(БҰРЫНҒЫ РЕДАКЦИЯ) «ӨСІМДІКТЕРДІ ҚОРҒАУ МАҚСАТЫНДА АУЫЛ ШАРУАШЫЛЫҒЫ ДАҚ...

Осы редакция 2017 жылғы 21 тамызда енгізілген өзгерістеріне дейін қолданылды

Оңтүстiк Қазақстан облысы әкiмдiгiнiң 2016.20.12. № 316 Қаулысымен мемлекеттік көрсетілетін қызметінің регламенті жаңа редакцияда (бұр.ред.қара)

Оңтүстік Қазақстан облысы әкімдігінің

2015 жылғы 26 қазандағы

№ 338 қаулысына 5-қосымша

«Өсiмдiктердi қорғау мақсатында ауыл шаруашылығы дақылдарын өңдеуге арналған гербицидтердiң,

биоагенттердiң (энтомофагтардың) және биопрепараттардың құнын субсидиялау»

мемлекеттiк көрсетілетін қызмет регламенті

(2016.20.12. берілген өзгерістермен)

1. Жалпы ережелер

1. «Өсiмдiктердi қорғау мақсатында ауыл шаруашылығы дақылдарын өңдеуге арналған гербицидтердiң, биоагенттердiң (энтомофагтардың) және биопрепараттардың құнын субсидиялау» мемлекеттік көрсетілетін қызметі (бұдан әрі - мемлекеттік көрсетілетін қызмет) «Оңтүстік Қазақстан облысы ауыл шаруашылығы басқармасы» мемлекеттік мекемесімен (бұдан әрі - Басқарма (қызмет ұсынушы) және облыстық маңызы бар аудан, қалалардың жергілікті атқарушы органдардың ауыл шаруашылығы саласындағы функцияларын жүзеге асыратын құрылымдық бөлімшелерімен (бұдан әрі- Бөлім (қызмет ұсынушы) ұсынылады.

Өтінімді қабылдау және мемлекеттік көрсетілетін қызмет нәтижесін беру:

1) Басқарманың (қызмет ұсынушы) және Бөлімнің (қызмет ұсынушы) кеңселері;

2) «Азаматтарға арналған үкімет» мемлекеттік корпорация» коммерциялық емес акционерлік қоғамы (бұдан әрі - Мемлекеттік корпорация) арқылы жүзеге асырылады.

2. Мемлекеттік қызметті көрсету нысаны: қағаз түрінде.