(БҰРЫНҒЫ РЕДАКЦИЯ) «МЕМЛЕКЕТТІК МЕКЕМЕЛЕРДЕ БУХГАЛТЕРЛІК ЕСЕПКЕ АЛУДЫ Ж...

Мемлекеттік мекемелерде бухгалтерлік есепке алуды жүргізу қағидаларын бекіту туралы
Қазақстан Республикасы Қаржы министрінің 2010 жылғы 3 тамыздағы № 393 бұйрығы

(2017.29.03. берілген өзгерістер мен толықтырулармен)

Осы редакция 2017 жылғы 3 мамырда енгізілген өзгерістеріне дейін қолданылды

ҚР Қаржы министрінің 2015.20.11. № 577 бұйрығымен тақырыбы жаңа редакцияда (бұр.ред.қара)

Қазақстан Республикасы Бюджет кодексінің 116-бабының 4-тармағына сәйкес бұйырамын:

ҚР Қаржы министрінің 2015.20.11. № 577 бұйрығымен 1-тармақ жаңа редакцияда (бұр.ред.қара)

1. Қоса беріліп отырған Мемлекеттік мекемелерде бухгалтерлік есепке алуды жүргізу қағидалары бекітілсін.

2. Қазақстан Республикасы Қаржы министрлігінің Бухгалтерлік есеп, аудиторлық қызмет әдіснамасы департаменті (А.О.Төлеуов) осы бұйрықтың Қазақстан Республикасы Әділет министрлігінде мемлекеттік тіркелуін және заңнамада белгіленген тәртіппен ресми жариялануын қамтамасыз етсін.

3. Осы бұйрық 2013 жылғы 1 қаңтардан бастап қолданысқа енгізіледі.

Қазақстан Республикасы Қаржы министрінің

2010 жылғы 3 тамыздағы

№393 бұйрығымен бекітілген

ҚР Қаржы министрінің 2015.20.11. № 577 бұйрығымен тақырыбы жаңа редакцияда (бұр.ред.қара)

Мемлекеттік мекемелерде бухгалтерлік есепке алуды жүргізу

қағидалары

1-бөлім. Жалпы ережелер

1. Жалпы ереже

ҚР Қаржы министрінің 2015.20.11. № 577 бұйрығымен 1-тармақ жаңа редакцияда (бұр.ред.қара)

1. Осы Мемлекеттiк мекемелерде бухгалтерлік есепке алуды жүргізу қағидалары (бұдан әрі - қағидалар) Қазақстан Республикасының Бюджет кодексіне сәйкес әзірленді және республикалық және жергілікті бюджеттер есебінен ұсталатын мемлекеттік мекемелерде бухгалтерлік есепке алуды жүргізу тәртібін белгілейді.

ҚР Қаржы министрінің 2015.20.11. № 577 бұйрығымен 2-тармақ жаңа редакцияда (бұр.ред.қара)

2. Мемлекеттік мекемелер бухгалтерлік есепке алуды жүргізу мен қаржылық есептілікті қалыптастыруды осы қағидаларда көзделген есептің нақты модельдерін анықтайтын есеп саясатына сәйкес жүзеге асырады.