(БҰРЫНҒЫ РЕДАКЦИЯ) «ТҰҚЫМ ШАРУАШЫЛЫҒЫН ДАМЫТУДЫ СУБСИДИЯЛАУ» МЕМЛЕКЕТТІ...

Осы редакция 2019 жылғы 15 наурызда енгізілген өзгерістеріне дейін қолданылды

Оңтүстік Қазақстан облыстық әкімдігінің 2016.16.06. № 164 Қаулысымен мемлекеттік көрсетілетін қызметінің регламенті жаңа редакцияда (бұр.ред.қара)

Оңтүстік Қазақстан облысы әкімдігінің

2015 жылғы 26 қазандағы № 338 қаулысына

8-қосымша

«Тұқым шаруашылығын дамытуды субсидиялау»

мемлекеттік көрсетілетін қызмет регламенті

(2016.16.06. берілген өзгерістермен)

1. Жалпы ережелер

1.»Тұқым шаруашылығын дамытуды субсидиялау» мемлекеттік көрсетілетін қызметі (бұдан әрі-мемлекеттіккөрсетілетін қызмет) «Оңтүстік Қазақстан облысының ауыл шаруашылығы басқармасы» (бұдан әрі -көрсетілетін қызметті беруші) мемлекеттік мекемелерімен көрсетіледі.

Өтінімді қабылдау және мемлекеттік көрсетілетін қызмет нәтижесін беру:

1) көрсетілетін қызметті берушінің аудандардың және қалалардың ауыл шаруашылығы бөлімдері (бұдан әрі - бөлім);

2) «Азаматтарға арналған үкімет» мемлекеттік корпорациясы (бұдан әрі - Мемлекеттік корпорация) арқылы жүзеге асырылады.

2. Мемлекеттік көрсетілетін қызмет нысаны: қағаз түрінде.

3. Тиесілі субсидияларды одан әрі көрсетілетін қызметті алушылардың банктік шотына аудару үшін «Қазақстан Республикасы Қаржы министрлігі Қазынашылық Комитетінің Оңтүстік Қазақстан облысы бойынша Қазынашылық департаменті» мемлекеттік мекемесіне (бұдан әрі -қазынашылық) төлем шоттарының тізілімін ұсыну мемлекеттік қызмет көрсету нәтижесі болып табылады.

Мемлекеттік корпорация арқылы жүгінген кезде көрсетілетін қызметті алушыға Қазақстан Республикасы Ауыл шаруашылығы министрінің 2015 жылғы 6 мамырдағы № 4-2/419 бұйрығымен бекітілген. «Тұқым шаруашылығын дамытуды субсидиялау» (бұдан әрі Стандарт) мемлекеттік көрсетілетін қызмет Стандартының 1 және 2-қосымшаларына сәйкес нысандар бойынша қағаз жеткізгіште көрсетілетін қызметті берушінің уәкілетті адамының қолы қойылған, субсидия тағайындау/тағайындамау туралы шешіммен хабарлама жолданады.