«Орал қаласы бойынша 2016 жылы қоғамдық жұмыстарды ұйымдастыру және қаржыландыру туралы» Батыс Қазақстан облысы Орал қаласы әкімдігінің 2015 жылғы 25 желтоқсандағы № 3971 Қаулысы (күші жойылды)

Орал қаласы бойынша 2016 жылы қоғамдық жұмыстарды ұйымдастыру және қаржыландыру туралы
Батыс Қазақстан облысы Орал қаласы әкімдігінің 2015 жылғы 25 желтоқсандағы № 3971 Қаулысы

Батыс Қазақстан облысы Орал қаласы әкімдігінің 2016 жылғы 12 тамыздағы № 2496 Қаулысымен күші жойылды

«Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы, «Халықты жұмыспен қамту туралы» 2001 жылғы 23 қаңтардағы Қазақстан Республикасының Заңдарына сәйкес және жұмыс берушілердің өтінімі бойынша, Орал қаласының әкімдігі ҚАУЛЫ ЕТЕДІ:

1. Орал қаласы бойынша 2016 жылы қоғамдық жұмыстар жұмыссыздарға әдейі арналған уақытша жұмыс орындарын ашу жолымен ұйымдастырылсын.

2. Қоса беріліп отырған Орал қаласы бойынша 2016 жылы қоғамдық жұмыстар жүргізілетін ұйымдардың тізбелері, қоғамдық жұмыстардың түрлері, көлемі мен нақты жағдайлары, қатысушылардың еңбекақысының мөлшері және оларды қаржыландандыру көздері бекітілсін және қоғамдық жұмыстарға сұраныс пен ұсыныс айқындалсын.

3. Орал қаласы әкімдігінің келесі қаулыларының күші жойылды деп танылсын:

1) Орал қаласы әкімдігінің 2015 жылғы 16 қаңтардағы № 141 «Орал қаласы бойынша 2015 жылы қоғамдық жұмыстарды ұйымдастыру және қаржыландыру туралы» (Нормативтік құқықтық актілерді мемлекеттік тіркеу тізілімінде № 3800 тіркелген, 2015 жылғы 5 ақпандағы «Жайық үні - Жизнь города» газетінде жарияланған) қаулысы;

2) Орал қаласы әкімдігінің 2015 жылғы 19 маусымдағы № 1868 «Орал қаласы әкімдігінің 2015 жылғы 16 қаңтардағы № 141 «Орал қаласы бойынша қоғамдық жұмыстарды ұйымдастыру және қаржыландыру туралы» қаулысына толықтырулар енгізу туралы» (Нормативтік құқықтық актілерді мемлекеттік тіркеу тізілімінде № 3953 тіркелген, 2015 жылғы 22 шілдедегі «Пульс города» жарияланған) қаулысы.