«Дүниежүзілік денсаулық сақтау ұйымында «QazVac» отандық вакцинасын тіркеуді жеделдету жөніндегі ұйымдастыру іс-шараларының жоспарын (жол картасын) бекіту туралы» Қазақстан Республикасы Денсаулық сақтау вице-министрінің 2023 жылғы 8 маусымдағы № 325 бұйрығы

Дүниежүзілік денсаулық сақтау ұйымында «QazVac» отандық вакцинасын тіркеуді жеделдету жөніндегі ұйымдастыру іс-шараларының жоспарын (жол картасын) бекіту туралы
Қазақстан Республикасы Денсаулық сақтау вице-министрінің 2023 жылғы 8 маусымдағы № 325 бұйрығы

Қазақстан Республикасының Президенті Қ.К. Тоқаевтың «Елдегі коронавирустық инфекция бойынша эпидемиологиялық жағдай туралы» 2021 жылғы 19 шілдедегі № 21-01-7.14 тапсырмасының 2.2.6.1-тармағын орындау мақсатында БҰЙЫРАМЫН:

1. Осы бұйрыққа қосымшаға сәйкес Дүниежүзілік денсаулық сақтау ұйымында «QazVac» отандық вакцинасын тіркеуді жеделдету жөніндегі ұйымдастыру іс-шараларының жоспары (жол картасы) (бұдан әрі - жол картасы) бекітілсін.

2. Қазақстан Республикасы Денсаулық сақтау министрлігінің медициналық және фармацевтикалық бақылау комитеті осы бұйрықты қол қойылған күнінен бастап үш жұмыс күні ішінде жол картасында айқындалған орындаушыларға мәлімет үшін жеткізсін.

3. Осы бұйрықтың орындалуын бақылауды өзіме қалдырамын.

4. Осы бұйрық қол қойылған күнінен бастап күшіне енеді.

Қазақстан Республикасының

Денсаулық сақтау

вице-министрінің

2023 жылғы 8 маусымдағы

№ 325 бұйрығына

қосымша

Дүниежүзілік денсаулық сақтау ұйымында «QazVac» отандық вакцинасын тіркеуді жеделдету жөніндегі

ұйымдастыру іс-шараларының жоспары (жол картасы)

Құжат түрі: Қазақстан Республикасының Президенті Қ.К.Тоқаевтың төрағалығымен өткен 2021 жылғы 19 шілдедегі № 21-01-7.14 Кеңестің хаттамасының «Елдегі коронавирустық инфекция бойынша эпидемиологиялық жағдай туралы» 2.2.6.1-тармағы.

Тапсырманың мазмұны: Дүниежүзілік денсаулық сақтау ұйымында «QazVac» отандық вакцинасын тіркеуді жеделдету.

Бақылаудың аралық мерзімі: жартыжылдық.

Орындаудың соңғы мерзімі: 2026 жылғы желтоқсан.

Жауапты мемлекеттік орган - орындаушы: Қазақстан Республикасының Денсаулық сақтау министрлігі.

Жауапты мемлекеттік органдар - бірлесіп орындаушылар: Қазақстан Республикасының Сыртқы істер министрлігі.