(БҰРЫНҒЫ РЕДАКЦИЯ) «БОЛАШАҚ» ХАЛЫҚАРАЛЫҚ СТИПЕНДИЯСЫ БОЙЫНША ШЫҒЫС НОРМ...

«Болашақ» халықаралық стипендиясы бойынша шығыс нормаларын, оқуға және тағылымдамадан өтуге арналған үлгілік шарттарды бекіту туралы
Қазақстан Республикасы Білім және ғылым министрінің 2012 жылғы 13 сәуірдегі № 163 бұйрығы

(2017.02.06 берілген өзгерістер мен толықтырулармен)

Осы редакция 2017 жылғы 14 қыркүйекте енгізілген өзгерістеріне дейін қолданылды

ҚР Білім және ғылым министрінің 2016.04.03. № 192 бұйрығымен тақырыбы жаңа редакцияда (бұр.ред.қара)

«Білім туралы» Қазақстан Республикасы Заңының 5-бабының 44-4) тармақшасына сәйкес БҰЙЫРАМЫН:

ҚР Білім және ғылым министрінің 2016.09.12. № 696 бұйрығымен 1-тармақ жаңа редакцияда (бұр.ред.қара)

1. Осы бұйрыққа 1-қосымшаға сәйкес, елдер бөлімінде «Болашақ» халықаралық стипендиясының көлемін анықтау үшін шығыстар нормалары бекітілсін.

ҚР Білім және ғылым министрінің 2014.25.02. № 56 бұйрығымен 2-тармақ жаңа редакцияда (бұр.ред.қара); ҚР Білім және ғылым министрінің 2016.04.03. № 192 бұйрығымен (бұр.ред.қара); 2017.02.06. № 257 бұйрығымен (бұр.ред.қара) 2-тармақ өзгертілді

2. Мына:

1) осы бұйрыққа 2-қосымшаға сәйкес магистр дәрежесін алу үшін оқуды ұйымдастыруға (өз бетімен түскендер және жалпы конкурс санаттары бойынша конкурсқа қатысқан адамдар үшін);

2) осы бұйрыққа 3-қосымшаға сәйкес, Phd докторы, бейіні бойынша доктор (маман даярлауға жұмыс берушінің тапсырысын ұсынған мемлекеттік қызметшілер, ғылыми, педагог қызметкерлер арасынан) дәрежесін алу үшін оқытуды ұйымдастыруға;

3) осы бұйрыққа 4-қосымшаға сәйкес магистр дәрежесін алу үшін оқуды ұйымдастыруға (конкурсқа мемлекеттік қызметшілер, ғылыми-педагог қызметкерлер, инженерлік-техникалық қызметкерлер, мәдениет қызметкерлері, шығармашылық қызметкерлері, бұқаралық ақпарат құралдары редакциясының қызметкерлері санаттары бойынша қатысқан адамдар үшін);

4) осы бұйрыққа 5-қосымшаға сәйкес тағылымдамадан өтуге;