«Қазақстан Республикасы Бас прокуратурасының 2017-2019 жылдарға арналған Бюджеттік бағдарламаларын қайта бекіту туралы» Қазақстан Республикасы Бас прокурорының 2017 жылғы 18 наурыздағы № 28 бұйрығы

Қазақстан Республикасы Бас прокуратурасының 2017-2019 жылдарға арналған Бюджеттік бағдарламаларын қайта бекіту туралы
Қазақстан Республикасы Бас прокурорының 2017 жылғы 18 наурыздағы № 28 бұйрығы

Қазақстан Республикасының 2008 жылғы 4 желтоқсандағы Бюджет кодексінің 32-бабына сәйкес БҰЙЫРАМЫН:

1. Қоса беріліп отырған Қазақстан Республикасы Бас прокуратурасының 2017-2019 жылдарға арналған Бюджеттік бағдарламалары қайта бекітілсін.

2. «Қазақстан Республикасы Бас прокуратурасының 2017-2019 жылдарға арналған Бюджеттік бағдарламаларын бекіту туралы» Қазақстан Республикасы Бас Прокурорының 2016 жылғы 26 желтоқсандағы № 198 бұйрығының күші жойылсын.

3. Осы бұйрықтың орындалуын бақылау Қазақстан Республикасы Бас прокуратурасының Қаржы, ақпараттандыру және ақпараттық ресурстарды қорғау департаментіне жүктелсін.

4. Осы бұйрық қол қойылған күнінен бастап күшіне енеді.

Қазақстан Республикасы

Бас Прокурорының

2017 жылғы 18 наурыздағы

№ 28 бұйрығымен

БЕКІТІЛГЕН

Бюджеттік бағдарлама

502 ҚАЗАҚСТАН РЕСПУБЛИКАСЫНЫҢ БАС ПРОКУРАТУРАСЫ

Бюджеттік бағдарлама әкімшісінің коды мен атауы

2017-2019 жылдарға арналған

Бюджеттік бағдарламаның коды мен атауы: 001 «Қазақстан Республикасында заңдардың және заңға тәуелді актілердің дәлме-дәл және бірізді қолданылуына жоғары қадағалауды жүзеге асыру».

Бюджеттік бағдарлама басшысы: Қазақстан Республикасы Бас Прокурорының бірінші орынбасары, Меркель И.Д.

Бюджеттік бағдарламаның нормативтік құқықтық негізі: «Прокуратура туралы» Қазақстан Республикасының 1995 жылғы 21 желтоқсандағы № 2709 Заңының 1, 4 және 5 баптары.

Бюджеттік бағдарламаның түрі:

мемлекеттік басқару деңгейіне қарай: республикалық;

мазмұнына қарай:

іске асыру тәсіліне қарай: жеке;

ағымдағы/даму:

Бюджеттік бағдарламаның мақсаты: заңдылықты қамтамасыз ету және құқық тәртібін нығайту.