«Білім беру ұйымдарын мемлекеттік аттестаттау ережесін бекіту туралы» Қазақстан Республикасы Үкіметінің 2007 жылғы 24 желтоқсандағы № 1270 қаулысына өзгерістер мен толықтырулар енгізу туралы» Қазақстан Республикасы Үкіметінің 2016 жылғы 13 мамырдағы № 290 Қаулысы (күші жойылды)

«Білім беру ұйымдарын мемлекеттік аттестаттау ережесін бекіту туралы» Қазақстан Республикасы Үкіметінің 2007 жылғы 24 желтоқсандағы № 1270 қаулысына өзгерістер мен толықтырулар енгізу туралы
Қазақстан Республикасы Үкіметінің 2016 жылғы 13 мамырдағы № 290 Қаулысы

ҚР Үкіметінің 2021 жылғы 7 сәуірдегі № 213 Қаулысымен күші жойылды

Қазақстан Республикасының Үкіметі ҚАУЛЫ ЕТЕДІ:

1. «Білім беру ұйымдарын мемлекеттік аттестаттау ережесін бекіту туралы» Қазақстан Республикасы Үкіметінің 2007 жылғы 24 желтоқсандағы № 1270 қаулысына (Қазақстан Республикасының ПҮАЖ-ы, 2007 ж., № 47, 582-құжат) мынадай өзгерістер мен толықтырулар енгізілсін:

көрсетілген қаулымен бекітілген Білім беру ұйымдарын мемлекеттік аттестаттау ережесінде:

2-тармақ мынадай мазмұндағы екінші бөлікпен толықтырылсын:

«Мемлекеттік аттестаттау рәсімі рұқсат беру құжаттарын алумен байланысты емес, өз қызметінің мемлекеттік жалпыға міндетті білім беру стандартының талаптарына сәйкестігі туралы қорытындыны алу үшін білім беру ұйымының бастамашыл өтінішінің негізінде бару арқылы бақылаудың өзге нысанында жүзеге асырылады.»;

3-тармақтың бірінші бөлігі мынадай редакцияда жазылсын:

«3. Білім беру саласындағы уәкілетті орган ведомстволық бағыныстылығына қарамастан, мыналарды іске асырып жатқан білім беру ұйымдарын мемлекеттік аттестаттауды жүзеге асырады:

1-тармақтың жетінші - оныншы абзацтары 2020 ж. 1 қаңтардан бастап қолданысқа енгізілді, осы абзацтардың қолданысы 2020 ж. 1 қаңтарға дейін тоқтатылды. Осы қаулы қолданысқа енгізілген күннен бастап 2017 ж. 1 қаңтарға дейін осы қаулының 3-тармақтың 1) тармақшасының редакциясында қолданылды

1-тармақтың жетінші - оныншы абзацтары 2017 ж. 1 қаңтардан бастап 2020 ж. 1 қаңтарға дейін осы қаулының 3-тармақтың 2) тармақшасының редакциясында қолданылды

мектепке дейінгі тәрбие мен оқытудың, бастауыш, негізгі орта және жалпы орта білімнің жалпы білім беретін оқу бағдарламалары;

мамандандырылған білімнің мамандандырылған жалпы білім беретін оқу бағдарламалары;

арнайы білімнің арнайы оқу бағдарламалары;