«Қазақстан Республикасының азаматтық әуе кемелерін мемлекеттік тіркеу туралы куәліктер беру» мемлекеттік қызмет регламенті (Қазақстан Республикасы Инвестициялар және даму министрiнiң м. а. 2015 жылғы 25 мамырдағы № 622 бұйрығына 1-қосымша) (күші жойылды)

Қазақстан Республикасы

Инвестициялар және даму

министрiнiң міндетін атқарушының

2015 жылғы 25 мамырдағы

№ 622 бұйрығына 1-қосымша

ҚР Индустрия және инфрақұрылымдық даму министрінің 2020 жылғы 13 қазандағы № 527 бұйрығымен күші жойылды

«Қазақстан Республикасының азаматтық әуе кемелерін мемлекеттік тіркеу туралы куәліктер беру»

мемлекеттік қызмет регламенті

1. Жалпы ережелері

1. «Қазақстан Республикасының азаматтық әуе кемелерін мемлекеттік тіркеу туралы куәліктер беру» мемлекеттік қызметті (бұдан әрі - мемлекеттік қызмет) Қазақстан Республикасы Инвестициялар және даму министрлігінің Азаматтық авиация комитеті (бұдан әрі - көрсетілетін қызметті беруші) көрсетеді.

Өтініштерді қабылдау және мемлекеттік көрсетілетін қызметтің нәтижелерін беру қызмет берушінің кеңсесі немесе www.egov.kz «электрондық үкімет» веб-порталы (бұдан әрі - Портал) арқылы жүзеге асырылады.

2. Мемлекеттік көрсетілетін қызметтің нысаны: қағаз және (немесе) электронды (жартылай автоматтандырылған) түрде.

Мемлекеттік көрсетілетін қызметтің нәтижесі - Қазақстан Республикасының азаматтық әуе кемелерін мемлекеттік тіркеу туралы куәлікті (куәліктің телнұсқасын) беру болып есептеледі.

Мемлекеттік қызметті көрсету нәтижесін ұсыну нысаны - қағаз түрінде.

2. Мемлекеттік көрсетілетін қызметтің процесінде қызмет
берушінің құрылымдық бөлімшелерінің (жұмысшыларының) іс-әрекеті
тәртібінің сипаттамасы

3. 2015 жылғы 28 сәуірдегі Қазақстан Республикасы Инвестициялар және даму министрі бұйрығымен бекітілген № 499 (Нормативтiк құқықтық актiлердi мемлекеттiк тiркеу тiзiлiмiнде № 11349 болып тiркелген) «Қазақстан Республикасының азаматтық әуе кемелерін мемлекеттік тіркеу туралы куәлікті (куәліктің телнұсқасын) беру» Стандартының 9-тармағына сәйкес Қызмет берушінің мемлекеттік көрсетілетін қызметке қажетті қызметті алушының ұсынылған құжаттарын алуы мемлекеттік көрсетілетін қызмет ресімді (әрекетті) бастауға негіздеме болып есептеледі.

4. Мемлекеттік көрсетілетін қызмет процесінің ресімдері (әрекеттері):