«Қазақстан Республикасы Ұлттық қауіпсіздік комитеті Төрағасының кейбір бұйрықтарына өзгерістер мен толықтырулар енгізу туралы» Қазақстан Республикасы Ұлттық қауіпсіздік комитеті Төрағасының 2015 жылғы 20 наурыздағы № 15 бұйрығы (күші жойылды)

Қазақстан Республикасы Ұлттық қауіпсіздік комитеті Төрағасының кейбір бұйрықтарына өзгерістер мен толықтырулар енгізу туралы
Қазақстан Республикасы Ұлттық қауіпсіздік комитеті Төрағасының 2015 жылғы 20 наурыздағы № 15 бұйрығы

ҚР Ұлттық қауіпсіздік комитеті Төрағасының 2016 жылғы 13 қаңтардағы № 2 бұйрығымен күші жойылды

«Нормативтік құқықтық актілер туралы» 1998 жылғы 24 наурыздағы Қазақстан Республикасы Заңы 43-1-бабының 1-тармағына сәйкес БҰЙЫРАМЫН:

1. Қазақстан Республикасы Ұлттық қауіпсіздік комитеті Төрағасының кейбір бұйрықтарына мынадай өзгерістер мен толықтырулар енгізілсін:

1) «Жоғары білімнің кәсіби оқу бағдарламаларын іске асыратын Қазақстан Республикасы Ұлттық қауіпсіздік комитетінің арнаулы (әскери) оқу орындарына оқуға қабылдау қағидаларын бекіту туралы» Қазақстан Республикасы Ұлттық қауіпсіздік комитеті Төрағасының 2012 жылғы 20 желтоқсандағы № 590 бұйрығына (Нормативтік құқықтық актілерді мемлекеттік тіркеу тізілімінде № 8211 тіркелген, 2013 жылғы 23 қаңтарда «Егемен Қазақстан» № 43-47 (27986) газетінде жарияланған:

аталған бұйрықпен бекітілген Жоғары білімнің кәсіби оқу бағдарламаларын іске асыратын Қазақстан Республикасы Ұлттық қауіпсіздік комитетінің арнаулы (әскери) оқу орындарына оқуға қабылдау қағидаларында:

4-тармақтың екінші бөлігінің 1) тармақшасы мынадай редакцияда жазылсын:

«1) жалпы орта білім туралы аттестаттың көшірмесі қосымшасымен немесе техникалық және кәсіби білімі туралы дипломның көшірмесі қосымшасымен не болмаса орта білімнен кейінгі білімі туралы дипломның көшірмесі қосымшасымен;»;

11-тармақтың екінші бөлігі мынадай редакцияда жазылсын:

«Қабылдау комиссиясы:

1) оқуға түсетін кандидаттардың жеке істерін тексеруді жүзеге асырады;

2) соңғы кәсіби іріктеуге қатысуға жіберілген оқуға кандидаттардың тізімін бекітеді;

3) соңғы кәсіби іріктеу жүргізеді;

4) оқуға қабылдау мәселелері бойынша шағымдар мен өтініштерді қарастырады;