«Қазақстан Республикасында шетел азаматтарына және азаматтығы жоқ адамдарға саяси баспана беру тәртібі туралы» Қазақстан Республикасы Президентінің 1996 жылғы 15 шілдедегі № 3057 Жарлығы (2000.19.04. берілген өзгерістер мен толықтыруларымен) (күші жойылды)

«Қазақстан Республикасында шетел азаматтарына және азаматтығы
жоқ адамдарға саяси баспана беру тәртібі туралы»
Қазақстан РеспубликасыПрезидентінің 1996 жылғы 15 шiлдедегi
№3057 Жарлығы

(2000.19.04. берілген өзгерістер мен толықтыруларымен)

ҚР Президентінің 2006 жылғы 10 қазандағы № 198 Жарлығымен күші жойылды

Қазақстан Республикасы Конституциясының 44-бабының 14-тармақшасына сәйкес қаулы етемiн:

1. Қазақстан Республикасында шетел азаматтарына және азаматтығы жоқ адамдарға саяси баспана беру тәртібі туралы Ереже (қоса берiлiп отыр) бекітілсiн.

2. Қазақстан Республикасының Үкіметі:

ҚР Президентінің 1997.20.06. № 3568 Жарлығымен 1) тармақша жаңа редакцияда

1) Қазақстан Республикасында саяси баспана алған адамдарды жайластыру жөніндегі шығыстарды қаржыландыру жергiлiктi бюджеттердiң көшi-қон шараларына көзделген қаражаты есебiнен жүзеге асырылсын.

2) екi ай мерзiмде:

Қазақстан Республикасында шетел азаматтарына және азаматтығы жоқ адамдарға саяси баспана беру тәртібі туралы куәлiктiң үлгiсiн әзiрлеп, бекiтетiн болсын;

аталған үлгiнiң жасалуын қаржыландыруды қамтамасыз етсiн;

өзiнiң нормативтiк актілері мен орталық атқарушы органдардың актілерін осы Жарлыққа сәйкес келтiрсiн.

3. Осы Жарлық жарияланған күнiнен бастап күшiне енедi.

Қазақстан Республикасының

Президентi

                                       Қазақстан Республикасы

                                       Президентінің

                                       1996 жылғы 15 шiлдедегi

                                       № 3057 Жарлығымен