Спирт саласындағы зауыттарда спиртті есептеуді бақылау жөніндегі Нұсқаулықты бекіту туралы Қазақстан Республикасы Мемлекеттік кіріс министрлігі Алкогольді өнімдерді өндіруге және олардың айналымына мемлекеттік бақылау жасау жөніндегі комитетінің 1998 ж. 29 желтоқсандағы № 103 Бұйрығы (мемлекеттік тіркеуінің күші жойылды)

Спирт саласындағы зауыттарда спиртті есептеуді бақылау жөніндегі
Нұсқаулықты бекіту туралы Қазақстан Республикасы Мемлекеттік кіріс
министрлігі Алкогольді өнімдерді өндіруге және олардың айналымына
мемлекеттік бақылау жасау жөніндегі комитетінің
1998 ж. 29 желтоқсандағы № 103 Бұйрығы

2002 жылғы 25 қыркүйектегі № 40 (424) Заң газетіндегі жарияланған ақпаратқа cәйкес осы бұйрықтың мемлекеттік тіркеуі жойылды

Қазақстан Республикасы Үкіметінің "Спирт өндірісін спирт өлшеуші аппараттармен және алкогольді өнімдерді шығару жөніндегі технологиялық желілерді өндірістің (сырадан басқа) көлемін есептеу аспаптарымен міндетті түрде жарақтандыру туралы" 1998 жылғы 16 маусымдағы № 544 қаулысын орындау үшін бұйырамын:

1. Спирт саласындағы зауыттарда спиртті есептеуді бақылау жөніндегі ұсынылған Нұсқаулық бекітілсін.

2. Осы бұйрықтың Қазақстан Республикасының Әділет министрлігінде тіркеуден өтілуін нормативтік реттеу бөлімі (А.Лепесбаев) қамтамасыз етсін.

3. Бақылау және лицензиялау бөлімі (Р.Алдашев) осы бұйрықты аумақтық органдарға жеткізсін.

4. Осы бұйрықтың орындалуына бақылау жасау Төраға орынбасары М.Тұрмағамбетовке жүктелсін.

5. Осы бұйрық мемлекеттік тіркеуден өткен күнінен бастап күшіне енеді.

Төраға

Спирт саласындағы зауыттарда спиртті есептеуді

бақылау жөніндегі

Нұсқаулық

1 бөлім. Жалпы ережелер

1 тарау. Спирттi өндiру кезiнде оны есептеудi бақылаудың мақсаты мен

қызметi

1. Спирттi өндiру кезіндегі оны есептеудi бақылау "Спирт өндiрiсiн спирт өлшеушi аппараттармен және алкогольдi өнiмдердi шығару жөніндегі технологиялық желiлердi өндiрiстiң (сырадан басқа) көлемiн есептеу аспаптарымен мiндеттi түрде жарақтандыру туралы" Қазақстан Республикасы Үкіметінiң 1998 жылғы 16 маусымдағы № 544 қаулысын орындау үшiн енгiзiледi.

2. Осы есептеудің мақсаты боза айырудың және этил спиртiн (әрi қарай - спирт) айдаудың барысына бақылау жасау, сулы-спирт ерітiндiсiнiң және сусызға қайта есептегенде (әрi қарай - сусыз спирт) өндiрiлетiн көлемiн үздiксiз өлшеу және бақылаулық есеп жүргiзу болып табылады.