Акциз бойынша декларация жасау ережесі (400.00-нысан) (ҚР Мемлекеттік кіріс министрінің 2001 ж. 18 қыркүйектегі № 1306 бұйрығымен бекітілген) (ҚР Мемлекеттік кіріс министрінің 24.06.02 ж. № 582 бұйрығымен енгізілген өзгерістерімен) (күші жойылды)

Қазақстан Республикасы

Мемлекеттік кіріс министрінің

2001 жылғы 18 қыркүйектегі

№ 1306 бұйрығымен

бекітілген

Акциз бойынша декларация жасау
ережесі
(400.00-нысан)
(ҚР Мемлекеттік кіріс министрінің 24.06.02 ж. № 582
бұйрығымен енгізілген өзгерістерімен)

Қазақстан Республикасы Қаржы министрінің 10.12.02 ж. № 608 бұйрығына сәйкес күші жойылды

1. Жалпы ережелер

1. Осы Ереже "Салық және бюджетке төленетін басқа да міндетті төлемдер туралы" Қазақстан Республикасының 2001 жылғы 12 шілдедегі Кодексіне (бұдан әрі - Кодекс) әзірленді және акцизделетін тауарлар бойынша акциз есептеу мен уақытылы төлеуге арналған Акциз бойынша декларация (бұдан әрі - Декларация) жасау тәртібін айқындайды.

2. Декларация Декларацияның өзінен (400.00-нысан) және акцизбен салық салу объектілері туралы ақпаратты ашатын оған қосымшалардан (400.01-400.11-нысандар) тұрады.

3. Декларация жасау кезінде:

1) қағаз түрінде - қара немесе көк сиялы қаламмен немесе қаламұшпен, баспа әріптермен немесе баспа құрылғысымен толтырылады;

2) электронды түрде - Кодекстің 69-бабының 1-тармағына сәйкес толтырылады.

4. Декларацияны толтыру кезінде түзетуге, өшіруге және тазалауға жол берілмейді, "+, /, %, Z" белгілері пайдаланылмайды.

5. Көрсеткіштер болмаған кезде тиісті тор көз толтырылмайды.

6. Қосымшаларда көрсетілуге тиісті деректер болмаған жағдайда, көрсетілген қосымша берілмейді.

7. Қосымшаның "Салық төлеуші туралы жалпы ақпарат" бөлімінде Декларацияның "Салық төлеуші туралы жалпы ақпарат" бөлімінде көрсетілген тиісті көрсеткіштер көрсетіледі.

8. Соманың теріс мәні тиісті жолдың (бағанның) бірінші сол жақтағы тор көзінде "-" белгісімен белгіленеді.

9. Декларацияны беру кезінде:

1) Декларация қағаз түрінде келу тәртібінде екі данада жасалады, бір данасы салық органының белгісімен салық төлеушіге қайтарылады;

2) салық төлеуші хабарламаны почта арқылы хабарламалы тапсырысты хатпен қағаз түрінде почта немесе өзгелей байланыс ұйымы арқылы алады;

3) салық төлеуші Декларацияның жеткені туралы хабарламаны келу тәртібінде электронды түрде болмаса Кодекстің 69-бабының 8-тармағының 3) тармақшасына сәйкес электронды түрде салық органынан не электронды почта бойынша алады.