Қазақстан Республикасы Үкіметінің 2003 жылғы 25 ақпандағы № 200 қаулысына өзгерістер мен толықтырулар енгізу туралы Қазақстан Республикасы Үкіметінің 2003 жылғы 2 желтоқсандағы № 1225 қаулысы (күші жойылды)

Қазақстан Республикасы Үкіметінiң 2003 жылғы 25 ақпандағы № 200
қаулысына өзгерістер мен толықтырулар енгізу туралы Қазақстан
Республикасы Үкіметінің 2003 жылғы 2 желтоқсандағы № 1225 қаулысы

ҚР Үкіметінің 2005 ж. 2 қарашадағы № 1092 Қаулысымен күші жойылды

Қазақстан Республикасының Үкіметі қаулы етеді:

1. "Бала тууына байланысты берiлетiн бiр жолғы мемлекеттік жәрдемақы төлеудiң ережесін бекіту туралы" Қазақстан Республикасы Үкіметінiң 2003 жылғы 25 ақпандағы № 200 қаулысына (Қазақстан Республикасының ПYКЖ-ы, 2003 ж., № 9, 100-құжат) мынадай өзгерістер мен толықтырулар енгiзiлсiн:

кiрiспедегi "2003 жылға арналған республикалық бюджет туралы" Қазақстан Республикасының 2002 жылғы 12 желтоқсандағы Заңына сәйкес" деген сөздер алынып тасталсын;

көрсетiлген қаулымен бекітілген Бала тууына байланысты берiлетiн бiр жолғы мемлекеттік жәрдемақы төлеудiң ережесінде:

кiрiспедегi "2003 жылға арналған республикалық бюджет туралы" Қазақстан Республикасының Заңына сәйкес" деген сөздер алынып тасталсын;

3-тармақ мынадай редакцияда жазылсын:

"3. Жәрдемақыларды төлеу ата-анасының бiреуiне (тiрi бала туған анасына не осы баланың әкесiне), ата-анасының екеуi де болмаған жағдайда - қамқоршыларына не баланың өзге заңды өкiлдерiне табысына қарамастан жүргiзiледi";

6-тармақ мынадай редакцияда жазылсын:

"6. Туған әрбiр балаға жәрдемақы төлеу тиiстi жылға арналған республикалық бюджет туралы заңмен бекітілген он бес айлық есептiк көрсеткiш мөлшерiнде жүзеге асырылады";

8-тармақтағы "6" деген сан "12" деген сандармен ауыстырылсын;

9-тармақта:

2) тармақша "не емдеу мекемесiнiң бала туылғаны туралы анықтамасының көшiрмесi" деген сөздермен толықтырылсын;

5) тармақша алынып тасталсын;

17-тармақтағы "2003 жылға арналған" деген сөздер "тиiстi жылға арналған" деген сөздермен ауыстырылсын.

2. Осы қаулы 2003 жылғы 1 қаңтардан бастап күшіне енетін 1-тармақтың алтыншы, сегізінші, тоғызыншы және он бірінші абзацтарын қоспағанда, қол қойылған күнінен бастап күшіне енеді.

Қазақстан Республикасы

Премьер-Министрінің