Бірінші, екінші және үшінші көбейтілген тұқым өндірушілерді аттестаттау (қайта аттестаттау) ережесін және бірінші, екінші және үшінші көбейтілген тұқым өндірушінің куәлігі бланкының нысанын бекіту туралы Қазақстан Республикасы Ауыл шаруашылығы министрінің 2004 жылғы 2 наурыздағы № 103 бұйрығы (күші жойылды)

Бірінші, екінші және үшінші көбейтілген тұқым өндірушілерді аттестаттау
(қайта аттестаттау) ережесін және бірінші, екінші және үшінші көбейтілген
тұқым өндірушінің куәлігі бланкының нысанын бекіту туралы Қазақстан
Республикасы Ауыл шаруашылығы министрінің 2004 жылғы 2 наурыздағы
№ 103 бұйрығы

ҚР Ауыл шаруашылығы министрлігінің 2008.12.09. № 575 Бұйрығымен күші жойылды

«Тұқым шаруашылығы туралы» Қазақстан Республикасының 2003 жылғы 8 ақпандағы Заңына сәйкес БҰЙЫРАМЫН:

1. Қоса беріліп отырған:

1) Бірінші, екінші және үшінші көбейтілген тұқым өндірушілерді аттестаттау (қайта аттестаттау) ережесі;

2) бірінші, екінші және үшінші көбейтілген тұқым өндірушінің куәлігі бланкының нысаны бекітілсін.

2. Осы бұйрық Қазақстан Республикасының Әділет министрлігінде мемлекеттік тіркелген сәттен бастап күшіне енеді.

Қазақстан Республикасы

Премьер-Министрінің

"Бірінші, екінші және

үшінші көбейтілген тұқым

өндірушілерді аттестаттау

(қайта аттестаттау) ережесін

және бірінші, екінші және

үшінші көбейтілген тұқым

өндірушінің куәлігі бланкының

нысанын бекіту туралы"

Қазақстан Республикасы

Ауыл шаруашылығы

министрінің 2004 жылғы 2 наурыздағы

№ 103 бұйрығымен бекітілген

Бірінші, екінші және үшінші көбейтілген тұқым

өндірушілерді аттестаттау (қайта аттестаттау) ережесі

1. Жалпы ережелер

1. Осы бірінші, екінші және үшінші көбейтілген тұқым өндірушілерді аттестаттау (қайта аттестаттау) ережесі (бұдан әрі - Ереже) ауыл шаруашылығы өсімдіктерінің бірінші, екінші және үшінші көбейтілген тұқымдарын өндіру және сату жөніндегі қызметті жүзеге асыру құқығына жеке және заңды тұлғаларды аттестаттау (қайта аттестаттау) тәртібін және шарттарын айқындайды.

2. Бірінші, екінші және үшінші көбейтілген тұқым өндіруші мәртебесін алуға үміткер жеке және заңды тұлғалар осы Ережемен айқындалатын біліктілік талаптарына сай болулары тиіс.