«Дербес компьютерлерге, бейнетерминалдарға және олармен жұмыс істеуге қойылатын талаптар» санитарлық-эпидемиологиялық ереже мен нормалары (ҚР Денсаулық сақтау министрлігінің 2004 жылғы 18 тамыздағы № 631 бұйрығымен бекітілген) (күші жойылды)

ҚР Денсаулық сақтау министрінің м.а. 2010 жылғы 28 қыркүйектегі № 767 Бұйрығымен күші жойылды

"Балалар мен жасөспірімдердің және

коммуналдық гигиенасы жөніндегі

санитарлық-эпидемиологиялық

ереже мен нормаларды бекіту туралы"

Қазақстан Республикасы

Денсаулық сақтау министрдің

міндетін атқарушының

2004 жылғы 18 тамыздағы

№ 631 бұйрығымен бекітілген

"Дербес компьютерлерге, бейнетерминалдарға және
олармен жұмыс істеуге қойылатын талаптар"
санитарлық-эпидемиологиялық ереже мен нормалары
1. Жалпы ережелер

1. "Дербес компьютерлерге, бейнетерминалдарға және олармен жұмыс істеуге қойылатын талаптар" санитарлық-эпидемиологиялық ереже мен нормалары (бұдан әрі - санитарлық ереже) дербес компьютерлерді (бұдан әрі - ДК), бейнедисплейлік терминалдарды (бұдан әрі - БДТ), орналастыруға және оларды пайдалану кезінде қойылатын санитарлық-эпидемиологиялық талаптарды реттейді.

2. Осы санитарлық ереже меншік түріне қарамастан өз қызметі бойынша БДТ мен ДК айналысатын ұйымдарға жеке және заңды тұлғаларға арналған.

3. Осы санитарлық ереженің талаптары тұрмыста қолданылатын теледидарларға, теледидарға қосылатын телеойындар қоспасына, борттық және тасымалы компьютерлерге таралмайды.

4. Осы санитарлық ережені дайындауда мынандай терминдер мен анықтамалар қолданылды:

1) бейне терминалы - бейнені көрсетуге арналған құрал. Қолданушы терминал ретінде дисплейлі экранды пайдаланып, негізінен (кіретін блок) клавиатура түріндегі құрылым ретінде беріледі;

2) дербес компьютер - жеке тұлға автономды түрде пайдаланатын микрокомпьютер;

3) жермен жанасу контуры - жермен тікелей жанасатын қондырғылар орналасқан үй-жайдың (ғимараттың) барлық ұзындығы бойынша орналасқан металдан жасалған өткізгіштер жиынтығы;

4) ұзындық бойынша орналастыру - жиһаздармен құрал-жабдықтарды қабырға бойында (периметрі бойынша) орналастыру;

5) қатарластыра орналастыру - жиһаздар мен құрал-жабдықтарды үй-жайдың ортасында, бірінің артынан бірін орналастыру;

6) орталықта орналастыру - жиһаздар мен құрал-жабдықтарды үй-жайдың ортасында топтап орналастыру;

7) қауіпсіз электромагниттік сәуле көзі - адам денсаулығына зиян келтірмейтін электромагниттік сәуле өрісінің деңгейі.