Қазақстан Республикасының кейбір заң актілеріне қаржы нарығын реттеуді жүзеге асыратын мемлекеттік органдар қызметінің мәселелері бойынша өзгерістер мен толықтырулар енгізу туралы Қазақстан Республикасының Заңы (2004 жылғы 9 желтоқсан) (Жоба)

Жоба

Қазақстан Республикасының кейбір заң актілеріне қаржы нарығын реттеудi
жүзеге асыратын мемлекеттік органдар қызметiнiң мәселелерi бойынша
өзгерістер мен толықтырулар енгізу туралы Қазақстан Республикасының Заңы

ҚР Үкіметінің 09.12.04 ж. № 1290 қаулысымен Заңның жобасы ҚР Парламентi Мәжілісiнiң қарауына енгізiлдi

1-бап. Қазақстан Республикасының мынадай заң актілеріне өзгерістер мен толықтырулар енгізілсін:

1. Қазақстан Республикасының 2004 жылғы 24 сәуiрдегі Бюджет кодексіне (Қазақстан Республикасы Парламентiнiң Жаршысы, 2004 ж., № 8-9, 53-құжат; 2004 жылғы 30 қазанда "Егемен Қазақстан" газетінде және 2004 жылғы 30 қазанда "Казахстанская правда" газетiнде жарияланған "Қазақстан Республикасының кейбір заң актілеріне кеменiң немесе жасалып жатқан кеменiң ипотекасын мемлекеттік тіркеу мәселелері бойынша өзгерістер мен толықтырулар енгізу туралы" Қазақстан Республикасының 2004 жылғы 22 қазандағы Заңы):

50-баптың 1-тармағының 12) тармақшасы мынадай мазмұндағы төртiншi абзацпен толықтырылсын:

Қазақстан Республикасы Ұлттық Банкінің орны жабылмаған шығындарын өтеу;".

2. "Қазақстан Республикасының Ұлттық Банкi туралы" Қазақстан Республикасының 1995 жылғы 30 наурыздағы Заңына (Қазақстан Республикасы Жоғарғы Кеңесiнiң Жаршысы, 1995 ж., № 3-4, 23-құжат; № 12, 88-құжат; № 15-16, 100-құжат; № 23, 141-құжат; Қазақстан Республикасы Парламентiнің Жаршысы, 1996 ж., № 2, 184-құжат; № 11-12, 262-құжат; № 19, 370-құжат; 1997 ж., № 13-14, 205-құжат; № 22, 333-құжат; 1998 ж., № 11-12, 176-құжат; 1999 ж., № 20, 727-құжат; 2000 ж., № 3-4, 66-құжат; № 22, 408-құжат; 2001 ж., № 8, 52-құжат; № 10, 123-құжат; 2003 ж., № 15, 138, 139-құжаттар; 2004 ж., № 11-12, 66-құжат; № 16, 91-құжат):

1) бүкіл мәтiн бойынша "(мүдденің)" деген сөз алынып тасталсын;

2) 3-баптың екiншi бөлiгi мынадай мазмұндағы сегiзiншi абзацпен толықтырылсын: