(БҰРЫНҒЫ РЕДАКЦИЯ)

Қазақстан Республикасы Энергетика және минералдық ресурстар

министрлiгiнiң "Мұнай және газ өнеркәсiбi бас диспетчерлiк басқармасы"

республикалық мемлекеттiк кәсіпорнын қайта ұйымдастыру туралы Қазақстан

Республикасы Үкіметінің 2002 жылғы 9 шілдедегі N 751 қаулысы

Осы редакция 2004 ж. 28 қазандағы енгізілген өзгерістеріне дейін қолданылды

Көмiрсутегiн өндiру, геологиялық барлау, тасымалдау мен қайта өңдеу кезiнде мемлекеттiк мониторингтi жүзеге асыруға жәрдемдесудiң және мұнай-газ кешенi өнiмiнiң көлiк ағындарын басқарудың тиiмдiлiгiн арттыру мақсатында Қазақстан Республикасының Үкiметi қаулы етеді:

1. Қазақстан Республикасы Энергетика және минералдық ресурстар министрлiгiнiң "Мұнай және газ өнеркәсiбiнiң бас диспетчерлiк басқармасы" шаруашылық жүргiзу құқығындағы республикалық мемлекеттік кәсіпорны жарғылық капиталына мемлекет жүз пайыз қатысатын "Мұнай және газ өнеркәсiбiнiң бас диспетчерлiк басқармасы" жабық акционерлiк қоғамы (бұдан әрi - Қоғам) етiп қайта құру жолымен қайта ұйымдастырылсын.

2. Қазақстан Республикасы Қаржы министрлігінiң Мемлекеттiк мүлiк және жекешелендiру комитетi заңнамада белгiленген тәртiппен:

1) Қоғам жарғысын бекiту кезiнде оның қызметiнiң негiзгi бағыттары республиканың мұнай-газ кешенiнiң мониторингiн жүзеге асыру үшiн жедел ақпаратты техникалық жинау, ақпараттық-талдау анықтамалық материалдар жасау, көмiрсутегiн өндiру, геологиялық барлау, тасымалдау, қайта өңдеу және оларды сату саласында маркетингтiк зерттеулер, өнiмдi сертификаттауды жүргiзу деп белгілесiн;

2) Қоғамның мемлекеттiк тiркелуiн қамтамасыз етсiн;

3) Қазақстан Республикасының Энергетика және минералдық ресурстар министрлiгіне Қоғам акцияларының мемлекеттiк пакетiне иелiк ету және оны пайдалану құқықтарын берсiн;

4) осы қаулыдан туындайтын өзге де шараларды қабылдасын.

3. Қоса беріліп отырған Қазақстан Республикасы Үкіметінің кейбір шешімдеріне енгізілетін өзгерістер мен толықтырулар бекітілсін.

4. Осы қаулы қол қойылған күнінен бастап күшіне енеді.

Қазақстан Республикасының

Қазақстан Республикасы

Үкiметінiң 2002 жылғы 9

шiлдедегi N 751 қаулысымен

бекiтiлген

Қазақстан Республикасы Yкіметiнiң кейбiр шешiмдерiне

енгiзiлетiн өзгерiстер мен толықтырулар

1. "Республикалық мемлекеттiк кәсiпорындардың тiзбесi туралы" Қазақстан Республикасы Үкiметiнiң 1996 жылғы 25 маусымдағы N 790 қаулысына (Қазақстан Республикасының ПҮКЖ-ы, 1996 ж., N 29, 256-құжат):

көрсетілген қаулымен бекiтілген Республикалық мемлекеттiк кәсiпорындардың тiзбесiнде:

"Қазақстан Республикасы Экономика және сауда министрлiгiнiң Стандарттау, метрология және сертификаттау жөнiндегi комитетi" деген бөлiмде:

реттiк нөмiрi 390-жол алынып тасталсын.

2. "Акциялардың мемлекеттік пакеттерiне мемлекеттiк меншiктiң түрлерi және ұйымдарға қатысудың мемлекеттiк үлестерi туралы" Қазақстан Республикасы Үкiметiнiң 1999 жылғы 12 сәуiрдегi N 405 қаулысына (Қазақстан Республикасының ПҮКЖ-ы, 1999 ж., N 13, 124-құжат):

Акцияларының мемлекеттiк пакеттерi мен үлестерi республикалық меншiкке жатқызылған акционерлiк қоғамдар мен шаруашылық серiктестіктердiң тiзбесiнде:

"Алматы қаласы" деген бөлiм мынадай мазмұндағы реттiк нөмiрi 123-55-жолмен толықтырылсын:

"123-55. "Мұнай және газ өнеркәсiбiнiң бас диспетчерлiк басқармасы" ЖАҚ".

3. "Республикалық меншіктегі ұйымдар акцияларының мемлекеттiк пакеттерi мен мемлекеттiк үлестеріне иелік ету және пайдалану жөнiндегi құқықтарды беру туралы" Қазақстан Республикасы Үкiметiнiң 1999 жылғы 27 мамырдағы N 659 қаулысына:

Иелiк ету және пайдалану құқығы салалық министрлiктерге, өзге де мемлекеттік органдарға берiлетін республикалық меншiк ұйымдарындағы акциялардың мемлекеттік пакеттерінің және қатысудың мемлекеттiк үлестерінің тiзбесiнде:

"Қазақстан Республикасының Энергетика және минералдық ресурстар министрлiгiне" деген бөлiм мынадай мазмұндағы реттiк нөмiрi 46-жолмен толықтырылсын:

"46. "Мұнай және газ өнеркәсiбiнiң бас диспетчерлiк басқармасы" ЖАҚ".

4. "Қазақстан Республикасы Энергетика және минералдық ресурстар министрлiгiнiң мәселелері" туралы Қазақстан Республикасы Үкiметiнің 2001 жылғы 25 қаңтардағы N 133 қаулысына (Қазақстан Республикасының ПҮКЖ-ы, 2001 ж., N 3, 37-құжат):

көрсетілген қаулымен бекітілген Қазақстан Республикасы Энергетика және минералдық ресурстар министрлiгiнiң қарамағындағы ұйымдардың тiзбесiнде:

"Республикалық мемлекеттiк кәсiпорындар" деген бөлiмде:

peттiк нөмiрi 11-жол алынып тасталсын.