|
|
|
Кредиттік серіктестіктердің және ипотекалық компаниялард қаржылық есеп пен қаржылық есепке қосымша мәліметтер беру тізбесі, нысандары мен мерзімдері туралы нұсқаулықты бекіту туралы Қазақстан Республикасы Ұлттық Банкі Басқарамасының 2002 ж. 23 желтоқсандағы N 508 қаулысы (ҚР ҰБ Басқармасының 04.07.03 ж. N 229 қаулысымен; ҚР ҰБ Басқармасының 23.02.04 ж. N 20, ҚР Қаржы нарығын және қаржы ұйымдарын реттеу мен қадағалау ж/гі агенттігінің 23.02.04 ж. N 61 бірлескен қаулысымен енгізілген өзгерістерімен) Осы редакция ҚР Ұлттық Банкі Басқармасының 2004 жылғы 15 желтоқсандағы N 179 қаулысымен енгізілген өзгерістеріне дейін қолданылды Бұрынғы редакцияларды қара Кредиттік серіктестіктердің және ипотекалық компаниялардың қызметін реттейтін нормативтік құқықтық базаны жетілдіру мақсатында, Қазақстан Республикасы Ұлттық Банкінің Басқармасы қаулы етеді: 1. Кредиттік серіктестіктердің және ипотекалық компаниялардың қаржылық есеп пен қаржылық есепке қосымша мәліметтер беру тізбесі, нысандары мен мерзімдері туралы нұсқаулық бекітілсін. 2. Осы қаулы Қазақстан Республикасының Әділет министрлігінде мемлекеттік тіркелген күннен бастап он төрт күн өткеннен кейін күшіне енеді. 3. Қаржылық қадағалау департаменті (Бахмутова Е.Л.): 1) Заң департаментімен (Шәріпов С.Б.) бірлесіп осы қаулыны Қазақстан Республикасының Әдiлет министрлiгiнде мемлекеттiк тiркеуден өткiзу шараларын қабылдасын; 2) Қазақстан Республикасының Әділет министрлігінде мемлекеттік тіркеуден өткізілген күннен бастап он күндік мерзімде осы қаулыны Қазақстан Республикасының Ұлттық Банкі орталық аппаратының мүдделі бөлімшелеріне және аумақтық филиалдарына жіберсін. 4. Қазақстан Республикасы Ұлттық Банкінің аумақтық филиалдары осы қаулыны алған күннен бастап үш күндік мерзімде оны кредиттік серіктестіктерге және ипотекалық компанияларға жіберсін. 5. Осы қаулы күшіне енген күннен бастап осы қаулының қосымшасына сәйкес нормативтік құқықтық актілердің күші жойылды деп танылсын. 6. Осы қаулының орындалуын бақылау Қазақстан Республикасының Ұлттық Банкі Төрағасының орынбасары Ә.Ғ.Сәйденовке жүктелсін. Ұлттық Банк Төрағасы Қазақстан Республикасының Ұлттық Банкі Басқармасының "Кредиттік серіктестіктердің және ипотекалық компаниялардың қаржылық есеп пен қаржылық есепке қосымша мәліметтер беру тізбесі, нысандары мен мерзімдері туралы нұсқаулықты бекіту туралы" 2002 жылғы 23 желтоқсандағы N 508 қаулысына қосымша Қазақстан Республикасы Ұлттық Банкінің күші жойылды деп танылған нормативтік құқықтық актілерінің тізбесі Қазақстан Республикасы Ұлттық Банкінің мынадай нормативтік құқықтық актілерінің: 1) Қазақстан Республикасының Ұлттық Банкі Басқармасының "Кредиттік серіктестіктердің Қазақстан Республикасының Ұлттық Банкіне ай сайын баланс пен пруденциалдық нормативтерді және басқа сақталуға міндетті нормалар мен лимиттерді есептеу үшін қосымша мәліметтер беру тәртібі туралы нұсқаулықты бекіту туралы" 1999 жылғы 17 шілдедегі N 217 қаулысының (Қазақстан Республикасының нормативтік құқықтық актілерін мемлекеттік тіркеу тізілімінде N 909 тіркелген, Қазақстан Республикасы Ұлттық Банкінің "Қазақстан Ұлттық Банкінің Хабаршысы" және "Вестник Национального Банка Казахстана" басылымдарында 1999 жылғы 27 қыркүйек-10 қазанда жарияланған); 2) Қазақстан Республикасының Ұлттық Банкі Басқармасының "Кредиттік серіктестіктердің Қазақстан Республикасының Ұлттық Банкіне ай сайын баланс пен пруденциалдық нормативтерді және басқа сақталуға міндетті нормалар мен лимиттерді есептеу үшін қосымша мәліметтер беру тәртібі туралы нұсқаулыққа толықтыруларды бекіту туралы" 1999 жылғы 25 желтоқсандағы N 436 қаулысының (Қазақстан Республикасының нормативтік құқықтық актілерін мемлекеттік тіркеу тізілімінде N 1046 тіркелген, Қазақстан Республикасы Ұлттық Банкінің "Қазақстан Ұлттық Банкінің Хабаршысы" және "Вестник Национального Банка Казахстана" басылымдарында 2000 жылғы 24 сәуір-7 мамырда жарияланған); 3) Қазақстан Республикасының Ұлттық Банкі Басқармасының "Кредиттік серіктестіктердің қаржылық және реттеуші есебін жасау және ұсыну ережесін бекіту туралы" 1999 жылғы 25 желтоқсандағы N 472 қаулысының (Қазақстан Республикасының нормативтік құқықтық актілерін мемлекеттік тіркеу тізілімінде N 1093 тіркелген, Қазақстан Республикасы Ұлттық Банкінің "Қазақстан Ұлттық Банкінің Хабаршысы" және "Вестник Национального Банка Казахстана" басылымдарында 2000 жылғы 27 наурыз-9 сәуірде жарияланған); 4) Қазақстан Республикасының Ұлттық Банкі Басқармасының "Кредиттік серіктестіктердің қаржылық және реттеуші есебін жасау және ұсыну ережесін бекіту туралы" Қазақстан Республикасының Ұлттық Банкі Басқармасының 1999 жылғы 25 желтоқсандағы N 472 қаулысымен бекітілген Кредиттік серіктестіктердің қаржылық және реттеуші есебін жасау және ұсыну ережесін өзгеріс пен толықтыру енгізу туралы" 2000 жылғы 13 қазандағы N 387 қаулысының (Қазақстан Республикасының нормативтік құқықтық актілерін мемлекеттік тіркеу тізілімінде N 1331 тіркелген, Қазақстан Республикасы Ұлттық Банкінің "Қазақстан Ұлттық Банкінің Хабаршысы" және "Вестник Национального Банка Казахстана" басылымдарында 2000 жылғы 18-31 желтоқсанда жарияланған) күші жойылды деп танылсын. Қазақстан Республикасының Ұлттық Банкі Басқармасының "Кредиттік серіктестіктердің және ипотекалық компаниялардың қаржылық есеп пен қаржылық есепке қосымша мәліметтер беру тізбесі, нысандары мен мерзімдері туралы нұсқаулықты бекіту туралы" 2002 жылғы 23 желтоқсандағы N 508 қаулысымен бекітілген Кредиттік серіктестіктердің және ипотекалық компаниялардың қаржылық есеп пен есепке қосымша мәліметтер беру тізбесі, нысандары мен мерзімдері туралы нұсқаулық 1-тарау. Жалпы ережелер ҚР ҰБ Басқармасының 23.02.04 ж. N 20, ҚР ҚҚА 23.02.04 ж. N 61 бірлескен қаулысымен 1-тармақ өзгертілді (бұр. ред. қара) 1. Осы Нұсқаулық банк заңдарына сәйкес әзірленген және кредиттік серіктестіктер мен ипотекалық компаниялардың қаржы нарығына және қаржы ұйымдарына реттеу мен қадағалауды жүзеге асыратын мемлекеттік органға (бұдан әрі уәкілетті органға) қаржылық есеп пен қаржылық есепке қосымша мәліметтер беру тізбесін, нысандарын және мерзімдерін белгілейді. ҚР ҰБ Басқармасының 23.02.04 ж. N 20, ҚР ҚҚА 23.02.04 ж. N 61 бірлескен қаулысымен 2-тармақ өзгертілді (бұр. ред. қара) 2. Осы Нұсқаулықтың мақсаты кредиттік серіктестіктердің және ипотекалық компаниялардың уәкілетті органға беретін қаржылық есебі мен қаржылық есепке қосымша мәліметтеріне бірыңғай талаптар белгілеу болып табылады. 3. Кредиттік серіктестіктердің және ипотекалық компаниялардың қаржылық есебі мен қаржылық есепке қосымша мәліметтері Қазақстан Республикасының бухгалтерлік есеп және қаржылық есеп жөніндегі заңдарында белгіленген талаптарға және осы Нұсқаулыққа сәйкес жасалады. ҚР ҰБ Басқармасының 23.02.04 ж. N 20, ҚР ҚҚА 23.02.04 ж. N 61 бірлескен қаулысымен 4-тармақ алынып тасталды (бұр. ред. қара) 2-тарау. Есеп беру ҚР ҰБ Басқармасының 23.02.04 ж. N 20, ҚР ҚҚА 23.02.04 ж. N 61 бірлескен қаулысымен 5-тармақ өзгертілді (бұр. ред. қара) 5. Кредиттік серіктестіктердің және ипотекалық компаниялардың қаржылық есебіне: 1) бухгалтерлік баланс - N 1 нысан (осы Нұсқаулықтың 1-қосымшасы); 2) кірістер мен шығыстар туралы есеп - N 2 нысан (осы Нұсқаулықтың 2-қосымшасы); 3) ақша қозғалысы туралы есеп (жанама әдіс) - N 3 нысан (осы Нұсқаулықтың 3-қосымшасы); 4) меншік капиталдағы өзгерістер туралы есеп - N 4 нысан (осы Нұсқаулықтың 3-1-қосымшасы); 5) есепке түсіндірме жазба кіреді. ҚР ҰБ Басқармасының 23.02.04 ж. N 20, ҚР ҚҚА 23.02.04 ж. N 61 бірлескен қаулысымен 6-тармақ өзгертілді (бұр. ред. қара) 6. Кредиттік серіктестіктердің және ипотекалық компаниялардың қаржылық есепке қосымша мәліметтеріне мыналар жатады: 1) кредиттік серіктестіктер үшін пруденциалды нормативтерді есептеу үшін қосымша деректер (осы Нұсқаулықтың 4-қосымшасы); 2) берілген заемдар мен қаржы лизингі туралы есеп (осы Нұсқаулықтың 5-қосымшасы); 4) ипотекалық заемдарға қызмет көрсету туралы есеп (осы Нұсқаулықтың 7-қосымшасы) - тек қана ипотекалық компаниялар береді; 5) кредиттік серіктестіктер мен ипотекалық компаниялардың балансы; 6) есепті жылға қаржылық есепке жүргізілген аудит нәтижелері бойынша аудиторлық есеп. ҚР ҰБ Басқармасының 04.07.03 ж. N 229 қаулысымен 7-тармақ өзгертілді; ҚР ҰБ Басқармасының 23.02.04 ж. N 20, ҚР ҚҚА 23.02.04 ж. N 61 бірлескен қаулысымен 7-тармақ жаңа редакцияда (бұр. ред. қара) 7. Кредиттік серіктестіктер мен ипотекалық компаниялар уәкілетті органға мынадай кезеңділікпен қаржылық есепті және қаржылық есепке қосымша мәліметтерді (бұдан әрі - есеп) ұсынады: ай сайын, есепті айдан кейінгі төртінші жұмыс күнінің Астана уақыты бойынша сағат 18.00-ден кешіктірмей кредиттік серіктестіктер мен ипотекалық компаниялардың балансы, осы Нұсқаулықтың 4-қосымшасына сай кредиттік серіктестіктер үшін пруденциалдық нормативтерді есептеу үшін қосымша деректер; тоқсан сайын, есепті тоқсаннан кейінгі төртінші жұмыс күнінің Астана уақыты бойынша сағат 18.00-ден кешіктірмей осы Нұсқаулықтың 1-қосымшасына сәйкес бухгалтерлік баланс, осы Нұсқаулықтың 2-қосымшасына сәйкес кірістер мен шығыстар туралы есеп, 5-қосымшаға сәйкес ұсынылған заемдар және қаржы лизингі туралы есеп және осы Нұсқаулықтың 7-қосымшасына сәйкес ипотекалық заемдарға қызмет көрсету туралы есеп; жыл сайын, есепті жылдан кейінгі жылдың бірінші сәуірінен кешіктірмей есепті жылдың 1 қаңтарынан 31 желтоқсаны аралығындағы кезеңде осы Нұсқаулықтың 1-қосымшасына сәйкес бухгалтерлік баланс, осы Нұсқаулықтың 2-қосымшасына сәйкес кірістер мен шығыстар туралы есеп, осы Нұсқаулықтың 3-қосымшасына сәйкес ақша қозғалысы туралы есеп (жанама әдіс), осы Нұсқаулықтың 3-1 қосымшасына сәйкес меншік капиталдағы өзгерістер туралы есеп, қаржылық есепке қосымша мәліметтер, есепке түсіндірме жазба, есепті жылға қаржылық есепке жүргізілген аудит нәтижелері бойынша аудиторлық есеп. ҚР ҰБ Басқармасының 23.02.04 ж. N 20, ҚР ҚҚА 23.02.04 ж. N 61 бірлескен қаулысымен 8-тармақ өзгертілді (бұр. ред. қара) 8. Кредиттік серіктестіктер мен ипотекалық компаниялар уәкілетті органға есепті электрондық тасымалдауышпен және қағаз түрінде береді. 9. Қағаз түріндегі есеп электрондық тасымалдауышпен берілген есепке сәйкес болуға тиіс. ҚР ҰБ Басқармасының 23.02.04 ж. N 20, ҚР ҚҚА 23.02.04 ж. N 61 бірлескен қаулысымен 10-тармақ өзгертілді (бұр. ред. қара) 10. Қағаз түріндегі есепке бірінші басшы, бас бухгалтер немесе олардың қол қою құқығы бар орынбасарлары қол қояды және кредиттік серіктестіктің немесе ипотекалық компанияның мөрімен расталады. ҚР ҰБ Басқармасының 23.02.04 ж. N 20, ҚР ҚҚА 23.02.04 ж. N 61 бірлескен қаулысымен 11-тармақ алынып тасталды (бұр. ред. қара) 11. алынып тасталды 12. Есептің деректері ұлттық валютамен - теңгемен көрсетіледі. 13. Есеп жасағанда пайдаланылатын өлшем бірлігі мың теңгемен белгіленеді. Есептегі бес жүз теңгеден кем сома нөлге дейін дөңгелектенеді, ал бес жүз теңгеге тең және одан жоғарғы сома мың теңгеге дейін дөңгелектенеді. ҚР ҰБ Басқармасының 23.02.04 ж. N 20, ҚР ҚҚА 23.02.04 ж. N 61 бірлескен қаулысымен 14-тармақ өзгертілді (бұр. ред. қара) 14. Түзетілген және өшірілген қағаз түріндегі есепті уәкілетті орган қабылдамайды және кері қайтарады. ҚР ҰБ Басқармасының 23.02.04 ж. N 20, ҚР ҚҚА 23.02.04 ж. N 61 бірлескен қаулысымен 15-тармақ өзгертілді (бұр. ред. қара) 15. Есепке өзгерістер және/немесе толықтырулар енгізу қажет болған жағдайда, кредиттік серіктестік немесе ипотекалық компания есеп берген күннен бастап үш күндік мерзімде өзгерістер және/немесе толықтырулар енгізу қажеттілігінің себептерін түсіндіріп, уәкілетті органға жазбаша өтініш хат жібереді. ҚР ҰБ Басқармасының 23.02.04 ж. N 20, ҚР ҚҚА 23.02.04 ж. N 61 бірлескен қаулысымен 16-тармақ алынып тасталды (бұр. ред. қара) 16. алынып тасталды ҚР ҰБ Басқармасының 23.02.04 ж. N 20, ҚР ҚҚА 23.02.04 ж. N 61 бірлескен қаулысымен 17-тармақ өзгертілді (бұр. ред. қара) 17. Уәкілетті орган кредиттік серіктестіктің немесе ипотекалық компанияның ұсынған есебінде дәлсіздіктер немесе қателер анықтаған жағдайда, оны пысықтау үшін қайтаруға құқылы. ҚР ҰБ Басқармасының 23.02.04 ж. N 20, ҚР ҚҚА 23.02.04 ж. N 61 бірлескен қаулысымен 18-тармақ алынып тасталды (бұр. ред. қара) 18. алынып тасталды ҚР ҰБ Басқармасының 23.02.04 ж. N 20, ҚР ҚҚА 23.02.04 ж. N 61 бірлескен қаулысымен 19-тармақ өзгертілді (бұр. ред. қара) 19. Уәкілетті орган өзінің өкілеттігі шегінде және өздерінің бақылау және қадағалау функциясын атқару мақсатында жекелеген күндерге тиісті қосымшаларымен және нысандарымен берілген есеп, сондай-ақ растайтын құжаттар талап етуге құқылы. ҚР ҰБ Басқармасының 23.02.04 ж. N 20, ҚР ҚҚА 23.02.04 ж. N 61 бірлескен қаулысымен 20-тармақ өзгертілді (бұр. ред. қара) 20. Кредиттік серіктестік немесе ипотекалық компания есеп бермегені немесе осы Нұсқаулықтың 7-тармағында көрсетілген есеп беру мерзімін бұзғаны, сондай-ақ толық емес және шынайы емес ақпарат бергені үшін Қазақстан Республикасының заң актілеріне сәйкес жауап береді. 3-тарау. Қорытынды ережелер 21. Осы Нұсқаулықпен реттелмеген мәселелер Қазақстан Республикасының заңдарында белгіленген тәртіппен шешіледі. Кредиттік серіктестіктердің және ипотекалық компаниялардың қаржылық есеп пен қаржылық есепке қосымша мәліметтер беру тізбесі, нысандары мен мерзімдері туралы Нұсқаулыққа 1-қосымша ҚР ҰБ Басқармасының 23.02.04 ж. N 20, ҚР ҚҚА 23.02.04 ж. N 61 бірлескен қаулысымен 1-қосымша жаңа редакцияда (бұр. ред. қара) N 1 нысан 200___ жылғы жағдай бойынша бухгалтерлік баланс ______________________________ (кредиттік серіктестіктің немесе ипотекалық компанияның толық атауы) мың теңгемен
Бірінші басшы: _______________ Бас бухгалтер: _______________ орындаушы: _________________ телефоны:_____________ Мөр орны Кредиттік серіктестіктердің және ипотекалық компаниялардың қаржылық есеп пен қаржылық есепке қосымша мәліметтер беру тізбесі, нысандары мен мерзімдері туралы Нұсқаулыққа 2-қосымша ҚР ҰБ Басқармасының 23.02.04 ж. N 20, ҚР ҚҚА 23.02.04 ж. N 61 бірлескен қаулысымен 2-қосымша жаңа редакцияда (бұр. ред. қара) N 2 нысан 200___ жылғы жағдай бойынша кірістер мен шығыстар туралы есеп ______________________________ (кредиттік серіктестіктің немесе ипотекалық компанияның толық атауы) мың теңгемен
Бірінші басшы: _______________ Бас бухгалтер: _______________ орындаушы: _________________ телефоны:_____________ Мөр орны Кредиттік серіктестіктердің және ипотекалық компаниялардың қаржылық есеп пен қаржылық есепке қосымша мәліметтер беру тізбесі, нысандары мен мерзімдері туралы Нұсқаулыққа 3-қосымша ҚР ҰБ Басқармасының 23.02.04 ж. N 20, ҚР ҚҚА 23.02.04 ж. N 61 бірлескен қаулысымен 3-қосымша жаңа редакцияда (бұр. ред. қара) N 3 нысан 200___ жылғы жағдай бойынша ақша қозғалысы туралы есеп (жанама әдіс) ______________________________ (кредиттік серіктестіктің немесе ипотекалық компанияның толық атауы) (мың теңгемен)
Доступ к документам и консультации
от ведущих специалистов |