«2010 - 2014 жылдарға арналған республикалық индустрияландыру картасы туралы» Қазақстан Республикасы Үкіметінің 2010 жылғы 14 сәуірдегі № 303 Қаулысы (2018.11.08. берілген өзгерістер мен толықтырулармен)

2010 - 2014 жылдарға арналған республикалық индустрияландыру картасы туралы
Қазақстан Республикасы Үкіметінің 2010 жылғы 14 сәуірдегі № 303 Қаулысы

(2018.11.08. берілген өзгерістер мен толықтырулармен)

ҚР Үкіметінің 2012.17.09. № 1206 Қаулысымен тақырыбы жаңа редакцияда (бұр.ред.қара)

«Қазақстан Республикасын үдемелі индустриялық-инновациялық дамыту жөніндегі 2010 - 2014 жылдарға арналған мемлекеттік бағдарлама және Қазақстан Республикасы Президентінің кейбір жарлықтарының күші жойылды деп тану туралы» Қазақстан Республикасы Президентінің 2010 жылғы 19 наурыздағы № 958 Жарлығын іске асыру мақсатында Қазақстан Республикасының Үкіметі ҚАУЛЫ ЕТЕДІ:

ҚР Үкіметінің 2012.17.09. № 1206 Қаулысымен 1-тармақ өзгертілді (бұр.ред.қара)

1. Қоса беріліп отырған:

1) 2010 - 2014 жылдарға арналған республикалық индустрияландыру картасы;

2) Қазақстан Республикасы Үкіметінің кейбір шешімдеріне енгізілетін өзгерістер мен толықтырулар бекітілсін.

ҚР Үкіметінің 2012.17.09. № 1206 Қаулысымен (бұр.ред.қара); 2013.04.07. № 685 Қаулысымен (бұр.ред.қара) 2-тармақ жаңа редакцияда

2. Инвестициялық жобаларды іске асыру барысын бақылау жөніндегі жауапты мемлекеттік органдар ай сайынғы негiзде, есептi айдан кейiнгi айдың 5-күнiне дейiнгi мерзiмде «Жобаларды басқарудың ақпараттық-талдамалық жүйесі» ақпараттық жүйесінің (бұдан әрі - жобалық офис) есептік нысандарын толтыруды қамтамасыз етсін.

3. Облыстардың, Астана және Алматы қалаларының әкімдері екі апта мерзімде өңірлік Индустрияландыру карталарын бекітсін және жобалардың іске асырылу барысына мониорингті жүзеге асырсын.

ҚР Үкіметінің 2012.17.09. № 1206 Қаулысымен 4-тармақ жаңа редакцияда (бұр.ред.қара)

4. Қазақстан Республикасы Индустрия және жаңа технологиялар министрлігі тоқсан сайын есептi айдан кейiнгi айдың 15-күнiне дейiнгi мерзiмде Қазақстан Республикасының Үкiметiне жобалардың iске асырылу барысының мониторингi бойынша ақпарат берсін.

ҚР Үкіметінің 2012.17.09. № 1206 Қаулысымен 5-тармақ жаңа редакцияда (бұр.ред.қара)