(БҰРЫНҒЫ РЕДАКЦИЯ) «ҰЛТТЫҚ ҒЫЛЫМИ КЕҢЕСТЕР ТУРАЛЫ» ҚАЗАҚСТАН РЕСПУБЛИКА...

Ұлттық ғылыми кеңестер туралы
Қазақстан Республикасы Үкіметінің 2011 жылғы 16 мамырдағы № 519 Қаулысы

(2019.19.08. берілген өзгерістер мен толықтырулармен)

Осы редакция 2020 жылғы 13 мамырда енгізілген өзгерістеріне дейін қолданылды

«Ғылым туралы» Қазақстан Республикасының 2011 жылғы 18 ақпандағы Заңының 3-бабының 6) тармақшасына сәйкес Қазақстан Республикасының Үкіметі ҚАУЛЫ ЕТЕДІ:

ҚР Үкіметінің 2014.29.12. № 1391 Қаулысымен 1-тармақ жаңа редакцияда (бұр.ред.қара)

1. Осы қаулыға тізбеге сәйкес ұлттық ғылыми кеңестер құрылсын;

ҚР Үкіметінің 2014.29.12. № 1391 Қаулысымен 2-тармақ жаңа редакцияда (бұр.ред.қара)

2. Ұлттық ғылыми кеңестер туралы ереже бекітілсін.

3. Осы қаулы алғашқы ресми жарияланған күнінен бастап күнтізбелік он күн өткен соң қолданысқа енгізіледі.

ҚР Үкіметінің 2013.20.12. № 1359 Қаулысымен тізбе өзгертілді (бұр.ред.қара); ҚР Үкіметінің 2017.15.09. № 569 Қаулысымен тізбе жаңа редакцияда (бұр.ред.қара); ҚР Үкіметінің 2018.04.07. № 407 Қаулысымен тізбе өзгертілді (бұр.ред.қара)

Қазақстан Республикасы

Үкіметінің

2011 жылғы 16 мамырдағы

№ 519 қаулысымен

бекітілген

Ұлттық ғылыми кеңестердің

тізбесі

1) «Табиғи ресурстарды ұтымды пайдалану, оның ішінде су ресурстары, геология, қайта өңдеу, жаңа материалдар және технологиялар, қауіпсіз бұйымдар мен конструкциялар» ғылым бағыты бойынша ұлттық ғылыми кеңес;

2) «Энергетика және машина жасау» ғылым бағыты бойынша ұлттық ғылыми кеңес;

3) «Жаратылыстану ғылымдары саласындағы ақпараттық, телекоммуникациялық және ғарыштық технологиялар, ғылыми зерттеулер» ғылым бағыты бойынша ұлттық ғылыми кеңес;

4) «Өмір туралы ғылым және денсаулық» ғылым бағыты бойынша ұлттық ғылыми кеңес;

5) «Мәңгілік Ел» ғылыми негіздері (XXI ғасырдағы білім беру, гуманитарлық ғылымдар саласындағы іргелі және қолданбалы зерттеулер)»ғылым бағыты бойынша ұлттық ғылыми кеңес;