(БҰРЫНҒЫ РЕДАКЦИЯ) «МЕМЛЕКЕТТІК ҚЫЗМЕТ ӨТКЕРУДІҢ КЕЙБІР МӘСЕЛЕЛЕРІ ТУРА...

Қазақстан Республикасы Президентінің
Жарлығы

Мемлекеттік қызмет өткерудің кейбір мәселелері туралы

(2017.05.04. берілген өзгерістер мен толықтырулармен)

Осы редакция 2017 жылғы 16 тамызда енгізілген өзгерістеріне дейін қолданылды

«Қазақстан Республикасының мемлекеттік қызметі туралы» 2015 жылғы 23 қарашадағы Қазақстан Республикасының Заңын іске асыру мақсатында қаулы етемін:

1. Қоса беріліп отырған:

1) Мемлекеттік қызметшілердің ант беру қағидалары;

2) Мемлекеттік қызметшілердің қызметін бағалауды өткізу қағидалары мен мерзімі;

3) Мемлекеттік қызметшілерді даярлау, қайта даярлау және олардың біліктілігін арттыру қағидалары;

4) Мемлекеттік әкімшілік қызметшілерге ротация жүргізу қағидалары мен мерзімі, ротацияға жататын мемлекеттік әкімшілік қызметшілердің лауазымдары;

5) Мемлекеттік қызметшілерге тәртіптік жаза қолдану қағидалары;

6) «Б» корпусының мемлекеттік әкімшілік лауазымдарына конкурс өткізбей ауысу тәртібімен орналасу қағидалары;

ҚР Президентінің 2016.13.07. № 298 Жарлығымен 7) тармақшамен толықтырылды (2016 ж. 1 қаңтардан бастап қолданысқа енгізілді)

7) Мемлекеттік қызметшілердің лауазымдық жалақысын белгілеуге құқық беретін жұмыс өтілін есептеу қағидалары бекітілсін.

2. Осы Жарлыққа қосымшаға сәйкес Қазақстан Республикасы Президентінің кейбір жарлықтарының күші жойылды деп танылсын.

3. Осы Жарлық 2016 жылғы 1 қаңтардан бастап қолданысқа енгізіледі және ресми жариялануға тиіс.

Астана, Ақорда, 2015 жылғы желтоқсанның 29-ы.

№ 152

Қазақстан Республикасы Президентінің

2015 жылғы 29 желтоқсандағы

№ 152 Жарлығымен

БЕКІТІЛГЕН

Мемлекеттік қызметшілердің ант беру
ҚАҒИДАЛАРЫ

1. Осы Мемлекеттік қызметшілердің ант беру қағидалары (бұдан әрі - Қағидалар) «Қазақстан Республикасының мемлекеттік қызметі туралы» 2015 жылғы 23 қарашадағы Қазақстан Республикасының Заңы 10-бабының 2) тармақшасына және 21-бабының 1-тармағына сәйкес әзірленді және Қазақстан Республикасы мемлекеттік қызметшілерінің ант беру тәртібін айқындайды.