«Кейбір кедендік құжаттардың нысандарын бекіту туралы» Қазақстан Республикасы Қаржы министрінің 2018 жылғы 1 ақпандағы № 110 бұйрығы (2023.11.04. берілген өзгерістер мен толықтыруларымен)

Кейбір кедендік құжаттардың нысандарын бекіту туралы
Қазақстан Республикасы Қаржы министрінің 2018 жылғы 1 ақпандағы № 110 бұйрығы

(2023.11.04. берілген өзгерістер мен толықтыруларымен)

ҚР Премьер-Министрі орынбасарының м.а. - Қаржы министрінің м.а. 2023.29.03. № 301 бұйрығымен кіріспе жаңа редакцияда (2023 ж. 11 сәуірден бастап қолданысқа енгізілді) (бұр.ред.қара)

«Қазақстан Республикасындағы кедендік реттеу туралы» Қазақстан Республикасы Кодексінің 404-бабы 7-тармағына, 415-бабының 5-тармағына, 532-бабы 1-тармағының 11) тармақшасына сәйкес БҰЙЫРАМЫН:

ҚР Премьер-Министрі орынбасарының м.а. - Қаржы министрінің м.а. 2023.29.03. № 301 бұйрығымен 1-тармақ жаңа редакцияда (2023 ж. 11 сәуірден бастап қолданысқа енгізілді) (бұр.ред.қара)

1. Мыналар:

1) осы бұйрыққа 1-қосымшаға сәйкес үй-жайлар мен аумақтарды кедендік қарап-тексеруді жүргізуге арналған нұсқама нысаны;

2) осы бұйрыққа 2-қосымшаға сәйкес тұрақты және уақытша рұқсат қағаздарының нысаны;

3) осы бұйрыққа 3-қосымшаға сәйкес үй-жайлар мен аумақтарды кедендік қарап-тексеруді жүргізуге арналған нұсқаманы тіркеу журналының нысаны;

4) осы бұйрыққа 4-қосымшаға сәйкес тұрақты және уақытша рұқсат қағаздарын тіркеу журналының нысаны бекітілсін;

5) осы бұйрыққа 5-қосымшаға сәйкес тауарларды жөнелтуші (шығарылған, транзит) елдің кедендік декларацияларының көшірмелерін кедендік декларациялау кезінде ұсынуға келісім беру туралы міндеттеме нысаны.

2. Мыналардың:

1) «Үй-жайлар мен аумақтарды қарауға арналған ұйғарымның (нұсқаудың) нысанын бекіту туралы» Қазақстан Республикасы Қаржы министрінің 2010 жылғы 17 тамыздағы № 415 бұйрығы (Нормативтік құқықтық актілерді мемлекеттік тіркеу тізілімінде № 6454 болып тіркелген, 2010 жылғы 28 қырқүйектегі № 390-393 (26236)) «Егемен Қазақстан» газетінде жарияланған);