«Мемлекеттік рәміздердің ұлттық стандарттарға сәйкестігін анықтау және оларды ауыстыру және жою жөніндегі комиссияны құру туралы» Қазақстан Республикасы Статистика агенттігі жауапты хатшысының 2013 жылғы 18 сәуірдегі № 101 бұйрығы (2013.29.07. берілген өзгерістермен)

Мемлекеттік рәміздердің ұлттық стандарттарға сәйкестігін анықтау және оларды ауыстыру және жою жөніндегі комиссияны құру туралы
Қазақстан Республикасы Статистика агенттігі жауапты хатшысының 2013 жылғы 18 сәуірдегі № 101 бұйрығы

(2013.29.07. берілген өзгерістермен)

Қазақстан Республикасы Үкіметінің 2007 жылғы 1 қазандағы № 862 қаулысымен бекітілген Ұлттық стандарттарға сәйкес келмейтін Қазақстан Республикасының Мемлекеттік Туын, мемлекеттік Елтаңбасын ауыстыру және жою қағидаларына сәйкес, сондай-ақ Қазақстан Республикасы Статистика агенттігі төрағасының 2013 жылғы 13 наурыздағы № 74 бұйрығымен бекітілген Қазақстан Республикасы Статистика агенттігі төрағасының, жауапты хатшысының және орынбасарларының арасындағы өкілеттіктерді бөлудің 2-тармағының 28) тармақшасының негізінде, БҰЙЫРАМЫН:

1. Мемлекеттік рәміздердің ұлттық стандарттарға сәйкестігін анықтау және оларды ауыстыру және жою жөніндегі комиссия (бұдан әрі - Комиссия) осы бұйрықтың қосымшасына сәйкес құрылсын.

2. Комиссия өз құзыретінің шегінде Қазақстан Республикасының заңнамасына сәйкес:

1) Мемлекеттік Тудың, мемлекеттік Елтаңбаның олардың ұлттық стандарттарына сәйкес келмейтіндігін анықтайды.

2) Ұлттық стандарттарға сәйкес келмейтін Қазақстан Республикасы Мемлекеттік Туын, мемлекеттік Елтаңбаның ауыстыру және жою қажеттілігі туралы шешім қабылдайды.

3) жою туралы актіге қол қояды және Әкімшілік жұмыс департаментіне сақтауға береді.