«Табиғатты қорғау және мал-дәрігерлік полиция саласы бойынша ішкі істер органдарының жұмысын ұйымдастыру туралы» нұсқаулықты бекіту туралы Қазақстан Республикасы Ішкі істер министрінің 2002 ж. 14 қаңтардағы № 27 бұйрығы (ҚР Ішкі істер министрінің 30.06.04 ж. № 385 бұйрығымен енгізілген өзгерістерімен) (күші жойылды)

«Табиғатты қорғау және мал-дәрігерлік полиция саласы бойынша ішкі істер
органдарының жұмысын ұйымдастыру туралы» нұсқаулықты бекіту туралы
Қазақстан Республикасы Ішкі істер министрінің 2002 ж. 14 қаңтардағы № 27 бұйрығы

(ҚР Ішкі істер министрінің 30.06.04 ж. № 385 бұйрығымен енгізілген өзгерістерімен)

ҚР Ішкі Істер Министрлігінің 2007 жылғы 10 мамырдағы № 201 Бұйрығымен күші жойылды

Бұрынғы редакцияларды қара

Табиғатты қорғау және карантиндік іс-шараларды жүргізуде мемлекеттік органдарға жәрдемдесу, браконьерлікке қарсы күрестегі өзара іс-қимыл жасаудың тиімділігін арттыру, бұл жұмыстың нысандары мен әдістерін одан әрі жетілдіру мақсатында

БҰЙЫРАМЫН:

1. Қоса беріліп отырған «Табиғатты қорғау және мал-дәрігерлік полиция саласы бойынша ішкі істер органдарының жұмысын ұйымдастыру туралы» нұсқаулық бекітілсін.

2. Астана қаласы ІІБ-нің, Алматы қаласы ІІББ-нің, облыстардағы ІІББ-ІІБ-нің, көліктегі ІІББ бастықтары:

1) сынақтар қабылдау арқылы мүдделі қызметтер қызметкерлерінің осы Нұсқаулықты оқып-үйренуін ұйымдастырсын және оның талаптарының бұлжытпай орындалуын қамтамасыз етсін;

ҚР Ішкі істер министрінің 30.06.04 ж. № 385 бұйрығымен 2-тармақша өзгерді (бұр. ред. қара)

2) табиғатты қорғау заңнамасы саласындағы қылмыстар мен құқық бұзушылықтарды анықтау және олардың жолын кесу, ашу мен тергеу жүргізу жөніндегі жұмысты ұйымдастыруда қоғамдық қауіпсіздік, жол полициясы басқармаларының, тергеу мен анықтаудың өзара іс-қимыл жасау мәселелерін бақылауға алсын, жылына кемінде бір рет бірлескен жедел кеңестер, ай сайынғы рейдтік әзірлеулер және операциялар өткізуді іс жүзінде қолданатын болсын;

3) талдар мен бұталарды заңсыз шабу, ормандарды жою және оларға қасақана, оның ішінде өрт салу арқылы зақым келтіру фактілері бойынша жедел-іздестіру іс-шаралары мен тергеу іс-қимылдарының тиімділігін, осы саладағы қылмыстардың ашылуын арттыру жөніндегі шараларды қабылдансын;