БҰРЫНҒЫ РЕДАКЦИЯ

Жоғары мамандандырылған медициналық көмек көрсету туралы Ереженi бекіту
туралы Қазақстан Республикасының Денсаулық сақтау министрінің
2003 жылғы 22 желтоқсандағы № 941 бұйрығы

(2005.11.08. берілген өзгерістерімен )

Осы редакция 2005 ж. 30 желтоқсандағы енгізілген өзгерістеріне дейін қолданылды

"Денсаулық сақтау жүйесi туралы" Қазақстан Республикасының Заңын iске асыру мақсатында бұйырамын:

1. 1) 1-қосымшаға сәйкес жоғары мамандандырылған медициналық көмек көрсету туралы Ереже;

2) 2-қосымшаға сәйкес жоғары мамандандырылған медициналық көмек жөніндегі комиссиялар туралы Ереже бекітілсiн.

2. Медициналық ғылым, білім, медицинаны және халықаралық қатынастарды дамыту департаментi (Хамзина Н.Қ.) осы бұйрықтың Қазақстан Республикасының Әдiлет министрлігінде мемлекеттік тiркелуiн қамтамасыз етсiн.

3. Осы бұйрық мемлекеттік тiркелген сәтiнен бастап күшiне енедi және 2004 жылғы 1 қаңтардан құқықтық қатынас жасау үшiн таратылады.

Министр

Жоғары мамандандырылған

медициналық көмек көрсету

ережелерін бекіту туралы

Қазақстан Республикасы

Денсаулық сақтау министрінің

2003 жылғы"22 желтоқсандағы

№ 941 бұйрығына

1-қосымша

Жоғары мамандандырылған медициналық көмек көрсету

туралы ереже

1. Осы ереже азаматтарға жоғары мамандандырылған медициналық көмек көрсетудің тәртібін, сондай-ақ оны әртүрлі кезеңдерде іске асыруға жауапты органдар мен ұйымдардың іс-қимылын айқындайды.

2. Жоғары мамандандырылған медициналық көмек (бұдан әрі ЖММК) - диагностика мен емдеудің аса күрделі әдістерін, сондай-ақ бірегей медициналық технологияларды пайдалануды қажет ететін аурулар кезінде азаматтарға медициналық ұйымдар көрсететін медициналық көмек.

3. ЖММК түрлері мен көлемі денсаулық сақтау саласындағы уәкілетті орган (бұдан әрі - уәкілетті орган) бекітетін тізбеге сәйкес диагностика мен емдеудің мерзімдік медициналық-экономикалық хаттамаларына сәйкес белгіленеді.

4. ЖММК көрсетуді уәкілетті орган құратын ЖММК жөніндегі орталық комиссия үйлестіреді.