БҰРЫҢҒЫ РЕДАКЦИЯ

Білім беру ұйымдары үшiн оқу әдебиеттерін дайындау мен басып шығаруды
ұйымдастыру жөніндегі нұсқаулықты бекіту туралы Қазақстан Республикасы
Білім және ғылым министрінің 2004 жылғы 24 мамырдағы № 454 бұйрығы

Осы редакция 2006 ж. 31 қаңтардағы енгізілген өзгерістеріне дейін қолданылды

Барлық деңгейдегi білім беру ұйымдары үшiн оқу әдебиеттерiн әзiрлеу, басып шығару және кейiннен оларды қолдану процестерiн үйлестiру мақсатында бұйырамын:

1. Қоса берiлiп отырған білім беру ұйымдары үшiн оқу әдебиеттерiн дайындау мен басып шығаруды ұйымдастыру жөніндегі нұсқаулық бекітілсiн.

2. Орта білім департаментi (С.Б. Есбосынова) осы бұйрықты Қазақстан Республикасы Әдiлет министрлігіне мемлекеттік тiркеуге ұсынсын.

3. Осы бұйрық тiркеуден өткен күнiнен бастап күшiне енедi.

4. Осы бұйрықтың орындалуын бақылау вице-министр К.Н. Шәмшидиноваға жүктелсiн.

"Білім беру ұйымдары үшін оқу

әдебиеттерін дайындау мен басып

шығаруды ұйымдастыру жөніндегі

нұсқаулықты бекіту туралы"

Қазақстан Республикасы

Білім және ғылым министрінің

2004 жылғы 24 мамырдағы

№ 454 бұйрығымен бекітілген

Білім беру ұйымдары үшін оқу әдебиеттерін дайындау және басып

шығаруды ұйымдастыру жөніндегі нұсқаулық

1. Жалпы ережелер

1. Білім беру ұйымдары үшін оқу әдебиеттерін, оның ішінде электронды оқулықтарды дайындау және басып шығаруды ұйымдастыру жөніндегі нұсқаулығы "Білім туралы" Қазақстан Республикасы Заңының 30-бабына сәйкес әзірленген және барлық деңгейдегі білім беру ұйымдары үшін оқу әдебиеттерін әзірлеу, басып шығару процесін үйлестіруге бағытталған.

2. Осы Нұсқаулықта мынадай терминдер мен анықтамалар қолданылады:

оқулық - белгіленген ғылым саласында білім негіздері баяндалған, мемлекеттік жалпы білім беру стандартының, типтік оқу жоспарының, оқу бағдарламаларының талаптарына сәйкес кітап;