«Астана қаласының әлеуметтік-экономикалық дамуының 2006-2010 жылдарға арналған мемлекеттік бағдарламасы туралы» Қазақстан Республикасы Президентінің 2006 жылғы 4 мамырдағы № 111 Жарлығы (2010.26.01. берілген өзгерістер мен толықтыруларымен)

Корреспонденты на фрагмент
Поставить закладку
Посмотреть закладки
Добавить комментарий

Показать изменения

Қазақстан Республикасы Президентінің
Жарлығы

Астана қаласының әлеуметтік-экономикалық дамуының 2006-2010 жылдарға

арналған мемлекеттік бағдарламасы туралы

(2010.26.01. берілген өзгерістер мен толықтыруларымен)

Қазақстан Республикасы Конституциясының 44-бабының 8) тармақшасына сөйкес халықтың өмір сүру сапасын арттыру, Астана қаласының әлемдік стандарттарға сай келетін және экономиканың өсуіне барабар тыныс-тіршілік инфрақұрылымын қалыптастыру, елорданың мемлекет экономикасындағы ықпалдастық рөлін арттыру, сондай-ақ қолайлы қоршаған ортаны камтамасыз ету мақсатында қаулы етемін:

1. Астана каласының әлеуметтік-экономикалық дамуының 2006-2010 жылдарға арналған мемлекеттік бағдарламасы (бұдан әрі - Бағдарлама) бекітілсін.

2. Қазақстан Республикасының Үкіметі бір ай мерзімде Бағдарламаны іске асыру жөніндегі іс-шаралар жоспарын әзірлеп, бекітсін.

3. Орталық және жергілікті аткарушы органдар, сондай-ақ Қазақстан Республикасының Президентіне тікелей бағынатын және есеп беретін мемлекеттік органдар Бағдарламаны іске асыру жөнінде шаралар қабылдасын.

4. Астана каласының әкімі:

1) Бағдарламаның орындалуын үйлестіруді Қазақстан Республикасының заңнамасыңда белгіленген тәртіппен қамтамасыз етсін;

2) жарты жылда бір рет, есепті кезеңнен кейінгі айдың 25-күнінен кешіктірмей Қазақстан Республикасы Президентінің Әкімшілігіне және Қазақстан Республикасының Үкіметіне Бағдарламаның іске асырылу барысы туралы ақпарат ұсынсын.

5. Осы Жарлықтың іске асырылуын бақылау Қазақстан Республикасы Президентінің Әкімшілігіне жүктелсін.

6. Осы Жарлық қол қойылған күнінен бастап қолданысқа енгізіледі.

Қазақстан Республикасы

Президенті

Н. Назарбаев

Астана, Ақорда, 2006 жылғы мамырдың 4-і.

№ 111