«Аудиторлардың біліктілігін арттыру курсынан өткені туралы сертификаттар беру ережесін бекіту» Қазақстан Республикасы Қаржы министрінің 2006 жылғы 31 шілдедегі № 278 Бұйрығы (2012.09.11. берілген өзгерістермен) (күші жойылды)

Аудиторлардың біліктілігін арттыру курсынан өткені туралы сертификаттар беру ережесін бекіту
 Қазақстан Республикасы Қаржы министрінің 2006 жылғы 31 шілдедегі № 278 Бұйрығы

(2012.09.11. берілген өзгерістермен)

ҚР Қаржы министрінің 2021 жылғы 1 маусымдағы № 514 бұйрығымен күші жойылды

ҚР Қаржы министрінің 2012.09.11. № 486 Бұйрығымен кіріспе жаңа редакцияда (бұр.ред.қара)

«Аудиторлық қызмет туралы» Қазақстан Республикасының 1998 жылғы 20 қарашадағы Заңының 11-бабы 1-тармағының 2) тармақшасын іске асыру мақсатында БҰЙЫРАМЫН:

1. Қоса беріліп отырған Аудиторлардың біліктілігін арттыру курсынан өткені туралы сертификаттар беру ережесі бекітілсін.

2. Қазақстан Республикасы Қаржы министрлігінің Мемлекеттік активтерді басқару әдіснамасы департаменті (Ж.Н. Айтжанова) осы бұйрықтың Қазақстан Республикасы Әділет министрлігінде мемлекеттік тіркелуін және кейіннен заңнамада белгіленген жариялануын қамтамасыз етсін.

4. Осы бұйрық 2006 жылғы 24 қарашадан бастап қолданысқа енгізіледі.

Қазақстан Республикасы

Қаржы министрінің

2006 жылғы 31 шілдедегі

№ 278 бұйрығымен

бекітілген

Аудиторлардың біліктілігін арттыру курсынан өткені туралы сертификаттар беру

ережесі

ҚР Қаржы министрінің 2012.09.11. № 486 Бұйрығымен 1-тармақ жаңа редакцияда (бұр.ред.қара)

1. Осы Аудиторлардың біліктілігін арттыру курсынан өткені туралы сертификаттар беру ережесі (бұдан әрі - Ереже) «Аудиторлық қызмет туралы» Қазақстан Республикасының 1998 жылғы 20 қарашадағы Заңының 11-бабы 1-тармағының 2) тармақшасына сәйкес әзірленді және аккредиттелген кәсіби аудиторлық ұйымның (бұдан әрі - кәсіби ұйым) аудиторлардың біліктілігін арттыру курсынан өткені туралы сертификаттар (бұдан әрі - сертификат) беру тәртібін айқындайды.

2. Кәсіби ұйымның мүшелері болып табылатын аудиторлар үш жылда бір реттен жиі емес аудиторлардың біліктілігін арттыру курсынан өтеді.

ҚР Қаржы министрінің 2012.09.11. № 486 Бұйрығымен 3-тармақ жаңа редакцияда (бұр.ред.қара)