(БҰРЫНҒЫ РЕДАКЦИЯ) ҚР ОРТАЛЫҚ САЙЛАУ КОМИССИЯСЫНЫҢ 1999.07.08. № 19/222

Қазақстан Республикасы Президентін, Парламент, мәслихаттар депутаттарын
және әкімдерді сайлау кезінде сайлау қорларының қаражатын жұмсаудың
және оны пайдалану туралы есеп берудің Ережесін бекіту туралы
Қазақстан Республикасы Орталық сайлау
комиссиясы 1999 жылғы 7 тамыздағы № 19/222 қулысы

(2005.02.08. берілген өзгерістер мен толықтырулармен)

Осы редакция 2007 ж. 27 маусымдағы енгізілген өзгерістеріне дейін қолданылды

ҚР Орталық сайлау комиссиясының 2005.14.02. № 153/219 (бұр. ред. қара); 2005.02.08. № 8/16  (бұр. ред. қара) қаулыларымен тақырыбы өзгертілді

«Қазақстан Республикасындағы сайлау туралы» Конституциялық заңның 12-бабының 1-тармағы және 34-бабының 6-тармағы негiзiнде Қазақстан Республикасының Орталық сайлау комиссиясы қаулы етеді:

ҚР  Орталық сайлау комиссиясының 2005.14.02. № 153/219 (бұр. ред. қара); 2005.02.08. № 8/16 (ресми жариялаған күннен бастап он күнтізбелік күн өткеннен кейін күшіне енеді) (бұр. ред. қара) қаулыларымен 1-тармақ өзгертілді

1. Қазақстан Республикасы Президентін, Парламент, мәслихаттар депутаттарын және әкімдерді сайлау кезiнде сайлау қорларының қаражатын жұмсаудың және оны пайдалану туралы есеп берудің ұсынылып отырған Ережесi бекітілсiн.

2. Қазақстан Республикасы Орталық сайлау комиссиясының "Қазақстан Республикасы Парламентi Мәжілісiнiң депутаттығына кандидаттардың сайлау қорларын құрудың, жұмсаудың, есептеудiң және есеп берудің Тәртібін бекіту туралы" 1995 жылғы 12 қазандағы № 13, Қазақстан Республикасының Әдiлет министрлігінде 1997 жылғы 8 мамырда тiркелген, тiркелу № 304 қаулысының күшi жойылды деп танылсын.

3. Қазақстан Республикасы Орталық сайлау комиссиясының "Қазақстан Республикасы Парламентi Мәжілісiнің депутаттығына кандидаттардың сайлау қорларын құрудың, жұмсаудың, есептеудiң және есеп берудiң Тәртібінiң" 5-тармағын өзгерту туралы" Орталық сайлау комиссиясының 1995 жылғы 12 қазандағы № 13, 1996 жылғы 26 маусымдағы № 55 қаулысымен бекітілген, Қазақстан Республикасының Әдiлет министрлігінде 1997 жылғы 8 мамырда тiркелген, тiркелу № 304 қаулысының күшi жойылды деп танылсын.