(БҰРЫНҒЫ РЕДАКЦИЯ) ҚР ҮКІМЕТІНІҢ 2006.07.07 № 645 ҚАУЛЫСЫ

Агроөнеркәсіптік кешенді мамандандырылған ұйымдардың
қатысуымен қолдаудың кейбір мәселелері туралы
Қазақстан Республикасы Үкіметінің 2006 жылғы 7 шілдедегі № 645 Қаулысы

(2008.04.04. берілген өзгерістер мен толықтыруларымен)

Осы редакция 2008 жылғы 15 тамыздағы енгізілген өзгерістеріне дейін қолданылды

Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған Агроөнеркәсіптік кешенді мамандандырылған ұйымдардың қатысуымен қолдау ережесі бекітілсін.

2. «Қазагромаркетинг» акционерлік қоғамы «Мемлекеттік сатып алу туралы» Қазақстан Республикасы Заңының (бұдан әрі - Заң) 21-бабы 1-тармағының 5) тармақшасына сәйкес агроөнеркәсіптік кешен өнімінің бәсекеге қабілеттілігін арттыру үшін сатып алудың стратегиялық мәні бар қоса беріліп отырған Ереженің 49-бабының 1), 2) және 4) тармақшаларында көрсетілген бағыттар бойынша агроөнеркәсіптік кешенді ақпараттық-маркетингтік қамтамасыз ету жөніндегі қызметтерді көрсетуші болып белгіленсін.

3. Қазақстан Республикасы Ауыл шаруашылығы министрлігі заңнамада белгіленген тәртіппен:

1) осы қаулының 2-тармағында көрсетілген заңды тұлғамен қызметтерді мемлекеттік сатып алу туралы шарт жасасуды;

2) осы қаулыға сәйкес пайдаланылатын қаражатты оңтайлы және тиімді жұмсау қағидатын сақтауды, сондай-ақ Заңның 21-бабының 3, 4-тармақтарын орындауды;

3) осы қаулыдан туындайтын өзге де шараларды қабылдауды қамтамасыз етсін.

4. «Аграрлық секторға несие беру мәселелері туралы» Қазақстан Республикасы Үкіметінің 2001 жылғы 25 қаңтардағы № 137 қаулысының (Қазақстан Республикасының ПҮКЖ-ы, 2001 ж., № 3, 39-құжат) 1, 5-тармақтарының күші жойылды деп танылсын.

5. Осы қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі.

Қазақстан Республикасының

Қазақстан Республикасы

Yкіметінің

2006 жылғы 7 шілдедегi

№ 645 қаулысымен

Бекітілген

Агроөнеркәсіптік кешенді мамандандырылған ұйымдардың

қатысуымен қолдау

ережесi

1. Жалпы ережелер

ҚР Үкіметінің 2008.04.04. № 318 Қаулысымен 1-тармақ өзгертілді (бұр.ред.қара)

1. Осы Агроөнеркәсіптік кешенді мамандандырылған ұйымдардың қатысуымен қолдау ережесі (бұдан әрі - Ереже) «Агроөнеркәсіптік кешенді және ауылдық аумақтарды дамытуды мемлекеттік реттеу туралы» Қазақстан Республикасының Заңына сәйкес әзірленді және мынадай мамандандырылған ұйымдардың қатысуымен (бұдан әрі - мамандандырылған ұйымдар) агроөнеркәсіптік кешенді қолдау тәртібін айқындайды:

1) «Азық-түлік келісім-шарт корпорациясы» акционерлік қоғамы;

2) «ҚазАгроҚаржы» акционерлік қоғамы;

3) «Аграрлық несие корпорациясы» акционерлік қоғамы;

4) «Ауыл шаруашылығын қаржылай қолдау қоры» акционерлік қоғамы;

5) «Мал өнімдері корпорациясы» акционерлік қоғамы;

6) «Қазагромаркетинг» акционерлік қоғамы;

7) «ҚазАгроКепіл» акционерлік қоғамы.

2. Агроөнеркәсіптік кешенді қолдау жөніндегі іс-шараларды Қазақстан Республикасының заңнамалық кесімдерінде көзделген бағыттар бойынша, республикалық бюджеттен берілетін қаражат (бұдан әрі - қаражат) есебінен, көрсетілген қаражаттың тиісті қаржы жылына арналған республикалық бюджетте көзделуі шартымен, сондай-ақ мамандандырылған ұйымдардың өз қаражаты және олар Қазақстан Республикасының заңнамасымен тыйым салынбаған өзге де көздерден тартқан қаражат есебінен іске асырылады.

3. Тиісті қаржы жылына арналған республикалық бюджетте мамандандырылған ұйымдардың жарғылық капиталдарын ұлғайту үшін қаражат көздеген кезде көрсетілген қаражат осы Ережеде және республикалық бюджеттік бағдарламалардың паспорттарында айқындалатын мақсаттарға пайдаланылады.

4. Мамандандырылған ұйымдар бөлінген қаражаттың тиімді, нәтижелі және мақсатты пайдаланылуын қамтамасыз етеді.

5. Мамандандырылған ұйымдар Қазақстан Республикасы Ауыл шаруашылығы министрлігіне (бұдан әрі - министрлік) министрлік белгілеген нысанда және мерзімде қаражаттың пайдаланылуы туралы есеп береді.

6. Мамандандырылған ұйымдардың алдындағы өздерінің міндеттемелерін өтеу ретінде агроөнеркәсіптік кешен субъектілерінен келіп түскен қаражатты мамандандырылған ұйымдар қолданыстағы заңнамаға сәйкес министрлікпен келісілген тәсілдермен және шарттарда пайдаланады.

7. Агроөнеркәсіптік кешенді бюджеттен тыс көздерден тартылған қаражат есебінен қолдау жөніндегі іс-шараларды мамандандырылған ұйымдар олардың ішкі саясатына сәйкес олар министрлікпен келісім бойынша айқындайтын мақсаттарға іске асырады.

8. Мамандандырылған ұйымдарға қарыз беру қайтарымдылық, мерзімділік, ақылылық және қамтамасыз етілу шарттарында жүзеге асырылады.

2. Агроөнеркәсіптік кешенді «Азық-түлік келісім-шарт

корпорациясы» акционерлік қоғамының қатысуымен қолдау тәртібi

9. Осы бөлімде мынадай негізгі ұғымдар пайдаланылады:

қарыз алушы - ауыл шаруашылығы тауарын өндірумен айналысатын жеке немесе заңды тұлға, шаруа (фермер) қожалығы, сондай-ақ олардың бірлестіктері;

кепілдік - Қазақстан Республикасының екінші деңгейдегі банктері не қарыз шартында кепілгер ретінде айқындалған басқа да ұйымдар Қазақстан Республикасының заңнамасына сәйкес қарыз шарты бойынша қарыз алушы міндеттемелерінің орындалуы үшін «Азық-түлік келісім-шарт корпорациясы» акционерлік қоғамының алдында толық жауап беруге міндеттенетін міндеттемелерді орындауды қамтамасыз ету.

10. Агроөнеркәсіптік кешенді «Азық-түлік келісім-шарт корпорациясы» акционерлік қоғамының (бұдан әрі - корпорация) қатысуымен қолдау Қазақстан Республикасының қолданыстағы заңнамасына сәйкес мынадай бағыттар бойынша жүзеге асырылады:

отандық ауыл шаруашылығы тауарларын өндірушілерден (бұдан әрі - ауыл шаруашылығы тауарларын өндірушілер) астық және техникалық дақылдар сатып алу, астық пен техникалық дақылдарды сақтау, тасымалдау және қайта өңдеу жөніндегі қызметтерді белгіленген тәртіппен сатып алу;

өсімдік шаруашылығының бәсекеге қабілетті қайта өңдеу өнімін өндіру жөніндегі іс-шараларды қаржыландыру және белгіленген тәртіппен агроөнеркәсіптік кешен инфрақұрылымын дамыту жөніндегі іс-шараларды қаржыландыру;

көктемгі дала және егін жинау жұмыстарын жүргізу үшін отандық ауыл шаруашылығы тауарларын өндірушілерді қарыз беру арқылы қаржыландыру.

11. Корпорация қарыз беру үшін Қазақстан Республикасында өндіру үшін басым ауыл шаруашылығы дақылдарының ұсынылатын тізбесін ескере отырып, әрбір облыс үшін қаржыландыру сомасын айқындайды.

12. Корпорация және оның облыстық (өңірлік) өкілдіктері (бұдан әрі - өкілдіктер) мерзімді баспасөз басылымдарында хабарландырулар жариялауды қамтамасыз етеді, оларда корпорациялардың немесе өкілдіктердің атауы мен орналасқан жері, қарыз алушылардың өтінімдерді беру мерзімі және орны, сондай-ақ Корпорация айқындайтын басқа да қажетті ақпарат көрсетіледі.

13. Қарыз алушылар қарыз алу үшін корпорацияға немесе өкілдіктерге мыналарды қамтитын өтінім береді:

1) осы Ережеге қосымшаға сәйкес нысан бойынша өтініш;

2) қарыз алушыға кепілдік беру ниеті туралы кепілгердің хаты;

3) заңды тұлғаны мемлекеттік тіркеу туралы куәліктің, салық төлеуші куәлігінің және статистикалық карточкасының не кәсіпкерлік қызметпен айналысу құқығын растайтын құжаттың көшірмесі (шарт жасасу үшін азаматтық құқықтық қабілеті болуын растау үшін);

4) қосылған құн салығы бойынша есепке тұрғаны туралы куәліктің не салықтық тіркеу нөмірі көрсетілген және қарыз алушы бірыңғай жер салығын төлеуші болып табылатынын және қосылған құн салығын төлеуші болып табылмайтынын растайтын салық қызметі органдары анықтамасының көшірмесі.

Қарыз алушылар растайтын құжаттардың көшірмелерін қоса бере отырып, өздері туралы өзге де қосымша ақпарат беруі мүмкін.

14. Өкілдіктер талап етілетін қарыз сомасы мен өндіруге қарыз талап етілетін ауыл шаруашылығы дақылдарының атауларын көрсете отырып, қарыз алушылардың тізбесін жасайды.

15. Қарыз алушылардың тізбесі өкілдіктерге өтінім келіп түскен күннен бастап екі жұмыс күнінен аспайтын мерзімде корпорацияға жіберіледі.

16. Корпорация құжаттар түскен күннен бастап бес жұмыс күнінен кешіктірмей қарыз алушыны қабылданған шешім туралы хабардар етеді және өкілдікке өтінімдері бойынша шарттар жасасу үшін қарыз беру туралы шешім қабылданған қарыз алушылардың тізімдерін жібереді. Келіп түскен өтінімдер бойынша шешімдерді корпорация ішкі кредит саясатына және Қазақстан Республикасының қолданыстағы заңнамасына сәйкес қабылдайды.

17. Өкілдіктер ұсынылған тізімдерге сәйкес қарыз алушылармен тиісті қарыз шарттарын жасасады.

18. Қарыз беру қарыз алушылардың кепілдік беруі шартымен қарыз шартына сәйкес жүзеге асырылады.

19. Қарыз шарты жасалғаннан және қарыз алушы кепілдік бергеннен кейін корпорация ақшалай қаражатты қарыз алушының ағымдағы шотына аударады.

20. Қарызды беру мерзімі және қарызды қайтарудың өзге де шарттары қарыз шартында белгіленеді.

21. Қарыз алушылар алынған қарызды мынадай ауыл шаруашылығы дақылдарын өндіруге пайдаланған кезде:

1) бидай, арпа, күріш, дәндік жүгері, қытай бұршағы, күнбағыс - корпорация айқындаған астық қабылдау кәсіпорындарына жеткізу арқылы оларды көрсетілген дақылдардың астығымен не қарыз шартына сәйкес қарызды ақшалай қаражатпен қайтаруға рұқсат етіледі;

2) қоза - мақта өңдейтін ұйымдарға оны белгіленген тәртіппен жеткізу арқылы шитті мақтамен не қарыз шартына сәйкес ақшалай қаражатпен қарызды қайтаруға рұқсат етіледі.

22. Жеткізілетін астықтың немесе шитті мақтаның сандық және сапалық көрсеткіштері, нарықтық құнды ескергендегі бағалары және қарызды ауыл шаруашылығы дақылдарымен қайтарудың өзге де шарттары корпорация мен қарыз алушы арасындағы қарыз шартына қосымша келісімде белгіленеді. Бұл ретте астықты немесе шитті мақтаны қабылдауға, шартта көрсетілген сапалы көрсеткіштерге дейін өңдеуге, сондай-ақ сапаны растайтын құжаттарға ақы төлеуге байланысты шығыстар қарыз алушыға жүктеледі.

23. Корпорацияның жарғылық капиталына орналастырылған қаражат есебінен республикалық бюджеттен берілген қарыздар бойынша сыйақының ең көп мөлшері Қазақстан Республикасы Ұлттық Банкінің қайта қаржыландыруының ресми ставкасынан аспауға тиіс.

24. Қарыз беруге өтінім болмаған кезде корпорация ақшалай қаражаттың қалдығын өсімдік шаруашылығы өнімін сатып алу үшін пайдалана алады.

3. Агроөнеркәсіптік кешенді «ҚазАгроҚаржы» акционерлік

қоғамының қатысуымен қолдау тәртібi

25. Агроөнеркәсіптік кешенді «ҚазАгроҚаржы» акционерлік қоғамының қатысуымен (бұдан әрі - қоғам) Қазақстан Республикасының заңнамасына және қоғамның ішкі кредит саясатына сәйкес қолдау мынадай бағыттар бойынша жүзеге асырылады:

1) агроөнеркәсіптік кешен субъектілерін лизингілік негізде технологиялық жабдықпен, ауыл шаруашылығы техникасымен және арнайы техникамен қамтамасыз ету;

2) агроөнеркәсіптік кешен субъектілері үшін ауыл шаруашылығы өнімін қайта өңдеу жөніндегі жабдықты сатып алуды қаржыландыру.

26. Қазақстан Республикасының заңнамасында белгіленген тәртіппен қоғамның агроөнеркәсіптік кешенді қолдауы мыналар арқылы жүзеге асырылады:

ҚР Үкіметінің 2007.28.10. № 997 Қаулысымен 1) тармақша өзгертілді (бұр.ред.қара)

1) технологиялық жабдықты және арнайы техниканы, оның ішінде ауыл шаруашылығы өнімін, балық және орман шаруашылығы өнімін қабылдауға, тасымалдауға, сақтауға және бастапқы өңдеуге, көкөніс өсіруге, мал шаруашылығы, құс шаруашылығы фермаларын механикаландыруға, азық дайындауға арналған жабдықтар мен машиналарды, су себетін және суару машиналарын, жылыжайларды (бұдан әрі - арнайы техника), ауыл шаруашылығы техникасын, оның ішінде тракторларды, тіркемелерді, ауыл шаруашылығы дақылдарын өсіруге, жинауға және қорғауға арналған техниканы (бұдан әрі - техника) кейіннен лизингке беру үшін сатып алу, техниканы және арнайы техниканы сатып алуға және жеткізуге байланысты қоғам шеккен шығыстарды өтеу. Техника мен арнайы техника лизингісінің мерзімі 7 жылға дейінгі, лизинг бойынша сыйақы ставкасы жылдық 4%-ға дейін құрауы тиіс;

ҚР Үкіметінің 2007.28.10. № 997 Қаулысымен 2) тармақша өзгертілді (бұр.ред.қара)

2) ауыл шаруашылығы өнімін қайта өңдейтін жабдықты (бұдан әрі - жабдық) сатып алуды қаржыландыру, жабдықты сатып алуға және жеткізуге байланысты қоғам шеккен шығыстарды өтеу. Жабдықты сатып алуды қаржыландыру лизинг және (немесе) жылдық 4%-ға дейін сыйақы ставкасымен 8 жылға дейінгі мерзімге кредит беру арқылы жүзеге асырылуы мүмкін.

27. Агроөнеркәсіптік кешен субъектілерін лизингілік негізде арнайы техникамен және техникамен қамтамасыз ету, сондай-ақ агроөнеркәсіптік кешен субъектілері үшін жабдық сатып алуды қаржыландыру жүргізіліп отырған мемлекеттік аграрлық саясатқа сәйкес министрлік ұсынған шарттарда жүзеге асырылады.

4. Агроөнеркәсіптік кешенді «Аграрлық несие корпорациясы»

акционерлік қоғамының қатысуымен қолдау тәртібi

28. Осы бөлімде мынадай негізгі ұғымдар пайдаланылады:

кредиттік серіктестік - оның қатысушыларының кредиттерге және басқа қаржылық, оның ішінде банктік қызметтерге қажеттілігін олардың ақшасын жинақтау жолымен және Қазақстан Республикасының заңнамасында тыйым салынбаған басқа да көздер есебінен қанағаттандыру үшін жеке және (немесе) заңды тұлғалар жауапкершілігі шектеулі серіктестік ұйымдық-құқықтық нысанында құрған заңды тұлға;

ауылдық тұтыну кооперативі - мүшелерінің мүліктік (үлестік) жарналарын біріктіру жолымен жүзеге асырылатын, өз мүшелерінің материалдық және өзге де қажеттіліктерін қанағаттандыруға арналған азаматтардың және (немесе) заңды тұлғалардың мүшелік негізіндегі ерікті бірлестігі;

29. Агроөнеркәсіптік кешенді «Аграрлық несие корпорациясы» акционерлік қоғамының (бұдан әрі - Аграрлық корпорация) қолдауы мынадай бағыттар бойынша жүзеге асырылады:

1) кредиттік серіктестіктерге кредит беру;

ҚР Үкіметінің 2007.28.10. № 997 Қаулысымен 2) тармақша өзгертілді (бұр.ред.қара)

2) ауылдық тұтыну кооперативтеріне шаруа серіктестіктері, акционерлік қоғамдар мен өндірістік кооперативтерге кредит беру;

3) ауылдық жердегі кәсіпкерлік қызметтің ауыл шаруашылығына жатпайтын түрлеріне кредит беру.

30. Аграрлық корпорацияның кредит беруі Қазақстан Республикасының заңнамасына және ішкі кредит саясатына сәйкес жүзеге асырылады.

31. Аграрлық корпорация мынадай талаптарға жауап беретін кредиттік серіктестіктерге жылдық 4%-ға дейін сыйақы ставкасымен 7 жылға дейінгі мерзімге кредит беруді жүзеге асырады:

1) ауыл шаруашылығы тауарларын өндірушілердің кредиттік серіктестіктің жарғылық капиталындағы үлесі кемінде 50 пайызды құрауға тиіс;

2) кредиттік серіктестіктің жарғылық капиталының ең аз мөлшері кемінде 3000000 (үш миллион) теңгені құрауға тиіс;

3) ықтимал қатысушылардың кредиттік серіктестіктің жарғылық капиталына жарналары кемінде 100 айлық есептік көрсеткіш мөлшерінде ақшалай енгізілуге тиіс;

4) кредиттік серіктестіктің ықтимал қатысушыларында қолда бар жылжымайтын және жылжымалы мүлікке тиісті үлгіде ресімделген құжаттар болуға тиіс.

ҚР Үкіметінің 2007.28.10. № 997 Қаулысымен 32-тармақ өзгертілді (бұр.ред.қара)

32. Аграрлық корпорация мынадай талаптарға жауап беретін ауылдық тұтыну кооперативтеріне шаруа серіктестіктеріне, акционерлік қоғамдар мен өндірістік кооперативтеріне жылдық 5%-ға дейін сыйақы ставкасы бойынша 5-7 жылға дейінгі мерзімге кредит беруді жүзеге асырады:

1) әлеуметтік-экономикалық даму әлеуеті орташа және жоғары ауылдық елді мекендерде ауылдық тұтыну кооперативтерін шаруа серіктестіктерін, акционерлік қоғамдар мен өндірістік кооперативтер құру;

2) шикізат базасының жеткіліктілігі, сондай-ақ өнімдерді өткізу нарығының болуы;

3) ҚР Үкіметінің 2007.28.10. № 997 Қаулысымен алып тасталды (бұр.ред.қара)

4) кредиттік ресурстарды беру шартымен жобаның өзін-өзі ақтауы;

ҚР Үкіметінің 2007.28.10. № 997 Қаулысымен 5) тармақша жаңа редакцияда (бұр.ред.қара)

5) кепілдік қамтамасыз ету;

ҚР Үкіметінің 2007.28.10. № 997 Қаулысымен 6) тармақшамен толықтырылды

6) негізгі қызметі ауыл шаруашылығы өнімдерін бірлесіп өндіру, дайындау, өткізу, қайта өңдеу, сақтау, тасымалдау, тауарлық-материалдық құндылықтармен жабдықтау болып табылады.

33. Кәсіпкерлік қызметтің ауыл шаруашылығына жатпайтын түрлеріне жылдық 10%-ға дейін сыйақы ставкасы бойынша 7 жылға дейінгі мерзімге кредит беруді Аграрлық корпорация мынадай түрлер бойынша жүзеге асырады:

1) ауыл шаруашылығы шикізатын (ет, сүт, көкөніс, жеміс, тері) қайта өңдеу;

2) жеңіл және тамақ өнеркәсібі өндірісі;

3) балық өнімдерін көбейту, өсіру және қайта өңдеу;

4) туризмді, қонақ үй бизнесін және жол бойындағы сервисті ұйымдастыру;

5) ауылдық сауда нүктелерін және қоғамдық тамақтандыру пункттерін кеңейту.

5. Агроөнеркәсіптік кешенді «Ауыл шаруашылығын қаржылай

қолдау қоры» акционерлік қоғамының қатысуымен қолдау тәртібi

34. Агроөнеркәсіптік кешенді «Ауыл шаруашылығын қаржылай қолдау қоры» акционерлік қоғамының (бұдан әрі - қор) қатысуымен қолдау мынадай бағыттар бойынша жүзеге асырылады:

1) ауыл халқына қордың филиалдары мен өкілдіктері арқылы шағын кредит беру;

2) ауыл халқына одан әрі шағын кредит беру үшін шағын кредиттік ұйымдарға кредит беру;

3) өсімдік шаруашылығындағы міндетті сақтандыру туралы заңнамаға сәйкес қолайсыз табиғат құбылыстары нәтижесінде туындаған сақтандыру жағдайлары бойынша сақтандыру төлемдерінің бөлігін өтеу;

4) ауыл халқына кәсіпкерлік негіздерін оқытуды және кадрлар даярлауды ұйымдастыру.

35. Осы Ереженің 34-тармағының 1) және 2) тармақшаларында көзделген бағыттар бойынша іс-шаралар Қазақстан Республикасының заңнамасына, кредит саясатына және қордың өзге де ішкі құжаттарына сәйкес жүзеге асырылады.

36. Министрлік жыл сайын республиканың әр облысы үшін ауыл халқының әлеуметтік-экономикалық даму деңгейін ескере отырып, олардың тиісті өңірлердегі санына мөлшерлес қаражат көлемін айқындайды, ауыл халқына берілетін қарыздың сыйақы ставкасын, беру мерзімі мен мөлшерін, сондай-ақ шағын кредиттік ұйымдарға кредит беру үшін сыйақы ставкасын айқындайды. Қаражатты облыстардың ішінде аудандар мен ауылдық елді мекендер бөлінісінде одан әрі бөлуді тиісті жергілікті атқарушы органдардың ұсынымы бойынша қор жүзеге асырады.

37. Ауыл халқына шағын кредит беру қарыздың мынадай түрлері бойынша жүзеге асырылады:

1) жеке қарыз - бір қарыз алушыға өтімді кепілдік қамтамасыз етумен берілетін шағын кредит;

2) топтық (ынтымақтас) қарыз - ынтымақтас жауапкершілікпен (қарыз қайтарудың ынтымақтас кепілдігімен) немесе өтімді кепілдік қамтамасыз етумен қарыз алушылар тобына (2 адамнан көп) берілетін шағын кредит;

3) кепілдік берілген қарыз - не қарыз алушының өнімін тұтынатын кәсіпкерлік қызмет субъектісінің кепілдігімен (шаруашылық серіктестігі, банк, фермерлік шаруашылық), не кемінде екі жеке тұлғаның кепілдігімен берілетін шағын кредит.

38. Шағын кредит беру бағдарламасына қатысу үшін шағын кредит ұйымдарын іріктеу Қазақстан Республикасының заңнамасына сәйкес тендерлік негізде жүргізіледі.

39. Қор тендерді ұйымдастырушы болып әрекет етеді.

40. Тендер қарыз алу құқығына шағын кредит ұйымын айқындау мақсатында өткізіледі.

Шағын кредит ұйымдарына бөлінетін қарыздардың нысаналы мақсаты болады және ол ауыл халқы мен ауыл шаруашылығы тауарларын өндірушілерге шағын кредит беру үшін беріледі.

41. Қор мынадай бағалау өлшемдерінің негізінде жеңімпаз шағын кредит ұйымын айқындайды:

1) түпкі қарыз алушыға шағын кредит беру кезіндегі сыйақы ставкасы;

2) қамтамасыз ету өтімділігі;

3) несие қоржынының құрылымы;

4) меншікті капиталдың мөлшері;

5) ауыл халқына шағын кредит беру саласындағы жұмыс тәжірибесі және кредит беру нарығындағы кәсіби біліктілігі.

42. Ауыл халқына кәсіпкерлік негіздерін оқытуды және кадрлар даярлауды ұйымдастыруды қор мемлекеттік сатып алу туралы заңнамаға сәйкес жүргізеді.

6. Агроөнеркәсіптік кешенді «Мал өнімдері корпорациясы»

акционерлік қоғамының қатысуымен қолдау тәртібi

43. Осы бөлімде мынадай негізгі ұғымдар пайдаланылады:

1) мал шаруашылығы өнімі - жануарлардан алынатын шикізат пен өнімдер;

2) жануарлардан алынатын шикізат - ет, сүт, балық, жұмыртқа және адам тиісті өңдеусіз тамаққа пайдаланбайтын жануарлардан алынатын басқа да өнімдер, бал ара шаруашылығының өнімдері, тірі мал, сондай-ақ жануарлардан алынатын тері, жүн, түк, қыл, мамық жүн, түбіт, қауырсын, эндокриндік бездер, ішек-қарын, қан, сүйек, мүйіз, тұяқ және басқа өнімдер;

3) жануарлардан алынатын өнімдер - мал шаруашылығы шикізатын қайта өңдеу өнімдері;

4) бірлескен қызмет - ішкі нарықты импорт алмастыратын сапалы өніммен қанықтыру, отандық өнімді сыртқы нарыққа жылжыту және пайда табу мақсатында «Мал өнімдері корпорациясы» акционерлік қоғамы мен мал шаруашылығы шикізатын қайта өңдейтін кәсіпорындардың ресурстарын біріктіру және күш-жігерін үйлестіру.

44. Агроөнеркәсіптік кешенді «Мал өнімдері корпорациясы» акционерлік қоғамының қатысуымен мемлекеттік қолдау мынадай бағыттар бойынша жүзеге асырылады:

1) мал шаруашылығы өнімінің экспорттық нарықтарын кеңейту;

2) мал шаруашылығы өнімінің әлеуметтік маңызы бар түрлерінің ішкі нарығын реттеу.

45. Мал шаруашылығы өніміне арналған экспорт нарықтарын кеңейтуді «Мал өнімдері корпорациясы» акционерлік қоғамы мыналар арқылы жүзеге асырады:

1) агроөнеркәсіптік кешеннің субъектілерінен сатып алу жолымен, сондай-ақ мамандандырылған автокөлік, мал шаруашылығы өнімін қайта өңдеу жөніндегі технологиялық жабдықты сатып алу (импорт) жолымен мал шаруашылығы өнімін дайындауды, оларды қайта өңдеу жөніндегі жұмыстар мен қызметтерді жүзеге асыру;

2) заңды тұлға құрмай-ақ, бірлескен қызмет шарттарында үшінші тұлғаларды - мал шаруашылығы өнімін қайта өңдейтін кәсіпорындарды тарту арқылы мал шаруашылығы өнімін дайындауды және қайта өңдеуді ұйымдастыру;

3) отандық мал шаруашылығы өнімін сыртқы нарыққа жылжыту жөніндегі шараларды, оның ішінде оны жылжыту жөнінде ақпараттық-жарнамалық жұмыстарды жүргізу жолымен жүзеге асыру;

4) мал шаруашылығы өнімін дайындау жөніндегі филиалдар, ауыл шаруашылығы жануарларын өсіруге және семіртуге арналған бордақылау алаңдарын және экспорттық карантиндік алаңдарды құру жолымен мал шаруашылығы өнімі экспортының инфрақұрылымын дамыту;

5) көрмелерге, жәрмеңкелерге және аукциондарға қатысу;

6) мал шаруашылығы өнімінің қазақстандық брендін қалыптастыру және жылжыту.

46. Мал шаруашылығы өнімінің ішкі нарығын реттеу мыналар арқылы жүзеге асырылады:

1) сатып алынатын мал шаруашылығы өнімін орналастыруды, сақтауды және орнын ауыстыруды ұйымдастыру;

2) оны одан әрі қайта өңдеу үшін қайта өңдеуші кәсіпорындармен бірлескен қызметті жүзеге асыру;

3) мал шаруашылығы өнімінің ішкі нарығында бағаларды реттеу және халықтың мүддесін қорғау үшін баға интервенцияларын жүргізу.

47. Мал шаруашылығы өнімін қайта өңдейтін кәсіпорындар арасында бірлескен қызмет құру үшін іріктеудің негізгі өлшемдері мыналар болып табылады:

1) маусымаралық кезеңде тапшылықпен сипатталатын мал шаруашылығы өнімін өндіру;

2) өндірістік-шикізаттық базаның болуы;

3) білікті мамандардың және еңбек ресурстарының болуы.

48. Мемлекеттік мал шаруашылығы өнімі ресурстарына сатып алу операцияларының мәні болып табылмайтын мал шаруашылығы өнімінің номенклатурасын, мөлшерін, бағасын, дайындаудың және қайта өңдеудің тәртібі мен мерзімін, сондай-ақ мемлекеттік мал шаруашылығы өнімі ресурстарынан баға интервенциясының мәні болып табылмайтын мал шаруашылығы өнімін сатуды жүргізіліп отырған мемлекеттік аграрлық саясат шеңберінде ішкі және сыртқы нарықтардың конъюнктурасын маркетингтік зерттеулердің нәтижелері бойынша «Мал өнімдері корпорациясы» акционерлік қоғамы айқындайды.

7. Агроөнеркәсіптік кешенді «Қазагромаркетинг» акционерлік

қоғамының қатысуымен қолдау тәртібi

49. Агроөнеркәсіптік кешенді «Қазагромаркетинг» акционерлік қоғамының (бұдан әрі - «Қазагромаркетинг» АҚ) қатысуымен қолдау мынадай бағыттар бойынша жүзеге асырылады:

1) ақпарат беру, консультациялық қызметтер көрсету, агроөнеркәсіптік кешен субъектілері үшін оқыту семинарларын ұйымдастыру;

2) агроөнеркәсіптік кешеннің ақпараттық-маркетингтік жүйесін құруға және дамытуға қатысу;

3) агроөнеркәсіптік кешен нарығының мониторингі және оған талдамалық зерттеулер жүргізу;

4) қазіргі заманғы ақпараттық технологияларды құру мен дамытуға және ауыл шаруашылығы өнімінің электрондық сауда-саттығына қатысу;

5) арнайы жинақтарда, журналдарда және тақырыптық басылымдарда ақпараттық материалдар шығаруды ұйымдастыру;