«Биоотын өндіретін зауыттарды салуға рұқсат беру қағидасын бекіту туралы» Қазақстан Республикасы Үкіметінің 2011 жылғы 1 наурыздағы № 202 Қаулысы (күші жойылды)

Биоотын өндіретін зауыттарды салуға рұқсат беру қағидасын бекіту туралы
Қазақстан Республикасы Үкіметінің 2011 жылғы 1 наурыздағы № 202 Қаулысы

ҚР Үкiметiнiң 2012 жылғы 21 қарашадағы № 1474 Қаулысымен күші жойылды

«Биоотын өндірісін және айналымын мемлекеттік реттеу туралы» Қазақстан Республикасының 2010 жылғы 15 қарашадағы Заңының 5- бабының 2) тармақшасына сәйкес Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған Биоотын өндіретін зауыттарды салуға рұқсат беру қағидасы бекітілсін.

2. Осы қаулы алғашқы ресми жарияланған күнінен бастап он күнтізбелік күн өткен соң қолданысқа енгізіледі.

Қазақстан Республикасы

Үкіметінің

2011 жылғы 1 наурыздағы

№ 202 қаулысымен

бекітілген

Биоотын өндіретін зауыттарды салуға рұқсат беру

қағидасы

1. Жалпы ережелер

1. Осы Қағида «Биоотын өндіретін және айналымын мемлекеттік реттеу туралы» Қазақстан Республикасының 2010 жылғы 15 қарашадағы Заңының 5-бабының 2) тармақшасына сәйкес әзірленген және биоотын өндіретін зауыттарды салуға рұқсат беру тәртібін белгілейді.

2. Биоотын өндірісі саласындағы уәкілетті орган (бұдан әрі - уәкілетті орган) осы Қағидаға 1-қосымшаға сәйкес нысан бойынша биоотын өндіретін зауыттар салуға рұқсат (бұдан әрі - рұқсат) береді.

2. Рұқсат беру тәртібі

3. Рұқсатты ресімдеу үшін заңды тұлға уәкілетті органға мынадай құжаттарды ұсынады:

1) рұқсат беру туралы өтініш (осы қағидаға 2-қосымшада келтірілген мәліметтерді көрсете отырып еркін нысанда беріледі);

2) салыстырып тексеру ұшін құжаттардың түпнұсқасын міндетті түрде ұсынған кезде тіркеу құжаттарының көшірмесі;

3) «Биоотын ондірісін және айналымын мемлекеттік реттеу туралы» Қазақстан Республикасының 2010 жылғы 15 қарашадағы Заңының 8-бабының 2-тармағында көзделген мәліметтерді қамтитын биоотын өндіретін зауытты салуға арналған техникалық-экономикалық негіздеме;