«2011 жылы ауыл халқына және ауыл шаруашылығы тауарларын өндірушілерге одан әрі шағын кредит беру үшін шағын кредиттік ұйымдарға кредит беру туралы» Қазақстан Республикасы Ауыл шаруашылығы министрінің 2011 жылы 7 сәуірдегі № 28-3/170 Бұйрығы (күші жойылды)

2011 жылы ауыл халқына және ауыл шаруашылығы тауарларын өндірушілерге
одан әрі шағын кредит беру үшін шағын кредиттік ұйымдарға кредит беру туралы
Қазақстан Республикасы Ауыл шаруашылығы министрінің 2011 жылы 7 сәуірдегі № 28-3/170 Бұйрығы

ҚР Ауыл шаруашылығы министрлігінің 2011 жылғы 12 тамыздағы № 28-3/472 Бұйрығымен күші жойылды

«2011-2013 жылдарға арналған республикалық бюджет туралы» Қазақстан Республикасының 2010 жылғы 29 қарашадағы Заңын іске асыру мақсатында және Қазақстан Республикасы Үкіметінің 2006 жылғы 7 шілдедегі № 645 қаулысымен бекітілген Агроөнеркәсіптік кешенді мамандандырылған ұйымдардың қатысуымен қолдау ережесінің 34 және 36-тармақтарына сәйкес, БҰЙЫРАМЫН:

1. 2011 жылы ауыл халқына және ауыл шаруашылығы тауарларын өндірушілерге одан әрі шағын кредит беру үшін шағын кредиттік ұйымдарға кредит беруге бағытталатын қаражаттардың облыстар бөлінісіндегі бөлінуі осы бұйрыққа қосымшаға сәйкес бекітілсін.

2. «Ауыл шаруашылығын қаржылай қолдау қоры» акционерлік қоғамына ауыл халқын және ауыл шаруашылығы тауарларын өндірушілерге одан әрі шағын кредит беру үшін шағын кредиттік ұйымдарға кредит беру кезінде мыналар:

1) жылдық 7,5% -дан артық емес сыйақы ставкасы;