«Бекітуге арналған мәліметтерді қамтитын өндіріс паспортының нысандарын бекіту туралы» Қазақстан Республикасы Мұнай және газ министрінің 2011 жылғы 27 тамыздағы № 156 бұйрығы (2013.25.09. берілген өзгерістермен) (күші жойылды)

Бекітуге арналған мәліметтерді қамтитын өндіріс паспортының нысандарын бекіту туралы
Қазақстан Республикасы Мұнай және газ министрінің 2011 жылғы 27 тамыздағы № 156 бұйрығы

(2013.25.09. берілген өзгерістермен)

ҚР Энергетика министрінің 2015 жылғы 3 наурыздағы № 171 бұйрығымен күші жойылды

«Мұнай өнімдерінің жекелеген түрлерін өндіруді және олардың айналымын мемлекеттік реттеу туралы» Қазақстан Республикасының 2011 жылғы 23 шілдедегі Заңының 7-бабы 2) тармақшасына сәйкес БҰЙЫРАМЫН:

1. Қоса беріліп отырған өндіріс паспортының, оны бекіту үшін мәліметтер енетін нысаны бекітілсін.

2. Мұнай өнімдерін өндірушілер өндіріс паспортын мұнай және газ саласындағы уәкілетті органға нысанға сәйкес бекітуге ұсынсын.

3. Қазақстан Республикасы Мұнай және газ министрлігінің Мұнай өнеркәсібін дамыту департаменті заңнамада белгіленген тәртіпте осы бұйрықтың Қазақстан Республикасының Әділет министрлігінде мемлекеттік тіркелуін және кейіннен оның бұқаралық ақпарат құралдарында ресми жариялануын қамтамасыз етсін.

4. Осы бұйрық алғашқы ресми жарияланған күннен бастап он күнтізбелік күн өткеннен кейін қолданысқа енгізіледі.

ҚР Мұнай және газ министрінің 2013.25.09. № 174 бұйрығымен нысан жаңа редакцияда (бұр.ред.қара)

Қазақстан Республикасы

Мұнай және газ министрінің

2011 жылғы 27 тамыздағы

№ 156 бұйрығымен

бекітілді

Әкімшілік

деректер жинауға

арналған нысан

Қазақстан Республикасының мұнай өңдейтін зауыттарының
Өндіріс паспорты

Есептік кезең 20___ ж.

СТМ / ЖСН _____________

Индексі: № КМӨЗӨП-1 Нысан

Мерзімділігі: үш жылда бір рет

Ұсынатындар: Қазақстан Республикасының мұнай өңдейтін зауыттары

Кімге ұсынады: Қазақстан Республикасы Мұнай және газ министрлігі

Ұсыну мерзімі: есепті кезеңнің 20 желтоқсаны

__________________________ (өңдеушінің лауазымы)

____________________ (ұйым басшысының аты-жөні)

___________________________ (күні, қолы және мөрі)

«Бекітемін»

Қазақстан Республикасы

Мұнай және газ министрлігінің

________________________ (лауазымы)