«Қазақстан Республикасының ойын бизнесі туралы заңнамасының орындалуы үшін жеке кәсіпкерлік саласындағы тексеру парақтарының нысандарын бекіту туралы» Қазақстан Республикасы Туризм және спорт министрінің м.а. 2011 жылғы 13 қыркүйектегі № 02-02-18/182 және Қазақстан Республикасы Экономикалық даму және сауда министрінің м.а. 2011 жылғы 16 қыркүйектегі № 310 бірлескен бұйрығы (күші жойылды)

Қазақстан Республикасының ойын бизнесі туралы заңнамасының орындалуы үшін жеке кәсіпкерлік саласындағы тексеру парақтарының нысандарын бекіту туралы
Қазақстан Республикасы Туризм және спорт министрінің м.а. 2011 жылғы 13 қыркүйектегі № 02-02-18/182 және Қазақстан Республикасы Экономикалық даму және сауда министрінің м.а. 2011 жылғы 16 қыркүйектегі № 310 бірлескен бұйрығы

ҚР Мәдениет және спорт министрінің м.а. 2015 жылғы 25 маусымдағы № 223 және ҚР Ұлттық экономика министрінің м.а. 2015 жылғы 30 маусымдағы № 486 бірлескен бұйрығымен күші жойылды

«Ойын бизнесі туралы» Қазақстан Республикасының 2007 жылғы 12 қаңтардағы Заңының 8-бабының 1-тармағының 7) тармақшасына және «Қазақстан Республикасындағы мемлекеттік бақылау және қадағалау туралы» Қазақстан Республикасының 2011 жылғы 6 қаңтардағы Заңының 15-бабының 1-тармағына сәйкес БҰЙЫРАМЫЗ:

1. Жеке кәсіпкерлік саласындағы Тексеру парақтарының нысандары:

Қазақстан Республикасының ойын бизнесі (казино) туралы заңнамасының орындалуы үшін, осы бұйрыққа 1-қосымшаға сәйкес;

Қазақстан Республикасының ойын бизнесі (ойын автоматтары залы) туралы заңнамасының орындалуы үшін, осы бұйрыққа 2-қосымшаға сәйкес;

Қазақстан Республикасының ойын бизнесі (букмекер кеңсесі) туралы заңнамасының орындалуы үшін, осы бұйрыққа 3-қосымшаға сәйкес;

Қазақстан Республикасының ойын бизнесі (тотализатор) туралы заңнамасының орындалуы үшін, осы бұйрыққа 4-қосымшаға сәйкес бекітілсін.

2. Қазақстан Республикасы Туризм және спорт министрлігінің Туризм индустриясы комитеті (Қ.Ғ. Кәкен):

1) осы бұйрықтың Қазақстан Республикасы Әділет министрлігінде мемлекеттік тіркелуін қамтамасыз етсін;

2) осы бұйрық мемлекеттік тіркеуден өткеннен кейін оның ресми жариялануын қамтамасыз етсін;

3) осы бұйрықтың Қазақстан Республикасы Туризм және спорт министрлігінің ресми интернет-ресурсында жариялануын қамтамасыз етсін.