«Электр қозғалтқыштарының энергия тиімділігі бойынша талаптарды белгілеу туралы» Қазақстан Республикасы Үкіметінің 2012 жылғы 10 тамыздағы № 1040 Қаулысы (күші жойылды)

Электр қозғалтқыштарының энергия тиімділігі бойынша талаптарды белгілеу туралы
Қазақстан Республикасы Үкіметінің 2012 жылғы 10 тамыздағы № 1040 Қаулысы

Қазақстан Республикасы Үкіметінің 2015 жылғы 7 тамыздағы № 611 Қаулысымен күші жойылды

«Энергия үнемдеу және энергия тиімділігін арттыру туралы» Қазақстан Республикасының 2012 жылғы 13 қаңтардағы Заңының 4-бабының 11) тармақшасына сәйкес Қазақстан Республикасының Үкіметі ҚАУЛЫ ЕТЕДІ:

1. Қосымшаға сәйкес электр қозғалтқыштарының энергия тиімділігі бойынша талаптар белгіленсін.

2. Осы қаулы алғашқы ресми жарияланған күнінен бастап күнтізбелік он күн өткен соң қолданысқа енгізіледі.

Қазақстан Республикасының

Үкіметінің

2012 жылғы 10 тамыздағы

№ 1040 қаулысына

қосымша

Электр қозғалтқыштарының энергия тиімділігі бойынша талаптар

1. Электр қозғалтқыштарының энергия тиімділігі бойынша талаптар (бұдан әрі - талаптар) «Энергия үнемдеу және энергия тиімділігін арттыру туралы» Қазақстан Республикасының 2012 жылғы 13 қаңтардағы Заңының 4-бабының 11) тармақшасына сәйкес әзірленген және электр қозғалтқыштарының энергия тиімділігінің нормативтік көрсеткіштерін айқындайды.

2. Осы талаптарда мынадай негізгі ұғымдар пайдаланылады:

1) электр қозғалтқыш - электр энергиясын айналмалы не үдемелі қозғалыстың механикалық энергиясына түрлендіруге арналған электр-механикалық құрылғы;

2) энергетикалық тиімділік (энергия тиімділігі) - энергетикалық ресурстарды пайдаланудан болған пайдалы әсердің осы әсерді алу мақсатында өндірілген энергетикалық ресурстардың шығындарына қатынасын көрсететін сипаттамалар;

3) электр қозғалтқышының пайдалы әсер коэффициентi (бұдан әрi - ПӘК) - пайызбен көрсетілген электр қозғалтқышының білігіндегі пайдалы қуаттың электр қозғалтқыштың желіден тұтынатын активті қуатының киловатпен көрсетілген қатынастарына тең коэффициент;