«Халықтың статистикалық тіркелімін жүргізу саласындағы әдістемелік нұсқауларды бекіту туралы» Қазақстан Республикасы Статистика агенттігі төрағасының 2012 жылғы 25 сәуірдегі № 98 бұйрығы

Поставить закладку
Посмотреть закладки
Добавить комментарий

Халықтың статистикалық тіркелімін жүргізу саласындағы әдістемелік нұсқауларды бекіту туралы
Қазақстан Республикасы Статистика агенттігі төрағасының 2012 жылғы 25 сәуірдегі № 98 бұйрығы

Қазақстан Республикасы Үкіметінің 2010 жылғы 31 желтоқсандағы № 1498 қаулысымен бекітілген Қазақстан Республикасы Статистика агенттігінің 2011 - 2015 жылдарға арналған Стратегиялық жоспарын іске асыру мақсатында және «Мемлекеттік статистика туралы» Қазақстан Республикасының 2010 жылғы 19 наурыздағы Заңының 12-бабының 3) тармақшасына, Қазақстан Республикасы Үкіметінің 2004 жылғы 31 желтоқсандағы № 1460 қаулысымен бекітілген Қазақстан Республикасы Статистика агенттігі туралы ереженің 19-тармағының 3) тармақшасына сәйкес, БҰЙЫРАМЫН:

1. Қоса беріліп отырған Халықтың статистикалық тіркелімін жүргізу саласындағы әдіснамалық нұсқаулар бекітілсін.

2. Тіркелімдер мен жарияланымдар департаменті:

1) осы бұйрыққа қол қойылған күнінен бастап бес жұмыс күні ішінде осы бұйрықты Қазақстан Республикасы Статистика агенттігінің мүдделі құрылымдық бөлімшелеріне және аумақтық органдарына, сондай-ақ «Қазақстан Республикасы Статистика агенттігінің Ақпараттық-есептеу орталығы» Республикалық мемлекеттік кәсіпорнына жұмыс бабында басшылыққа алу үшін жеткізсін;

2) Халықтың статистикалық тіркелімін жүргізу саласындағы әдістемелік нұсқауларды Қазақстан Республикасы Статистика агенттігінің ішкі Интернет-ресурсында орналастырсын.

3. Осы бұйрықтың орындалуын бақылау Қазақстан Республикасы Статистика агенттігі төрағасының орынбасары А.Ж. Ашуевқа жүктелсін.

4. Осы бұйрық қол қойылған күнінен бастап күшіне енеді.

Төраға

Ә. Смайылов