«Қазақстан Республикасы Ауыл шаруашылығы министрлігі Агроөнеркәсіптік кешеніндегі мемлекеттік инспекция комитетінің мемлекеттік мекеме ережесін бекіту туралы» Қазақстан Республикасы Ауыл шаруашылығы министрінің 2011 жылғы 29 қарашадағы № 18-04/686 бұйрығы (2012.04.07. берілген өзгерістер мен толықтырулармен) (күші жойылды)

Қазақстан Республикасы Ауыл шаруашылығы министрлігі Агроөнеркәсіптік кешеніндегі мемлекеттік инспекция комитетінің мемлекеттік мекеме ережесін бекіту туралы
Қазақстан Республикасы Ауыл шаруашылығы министрінің 2011 жылғы 29 қарашадағы № 18-04/686 бұйрығы

(2012.04.07. берілген өзгерістер мен толықтырулармен)

ҚР Ауыл шаруашылығы министрінің 2013 жылғы 7 маусымдағы № 15-07/268 бұйрығымен күші жойылды

ҚР Ауыл шаруашылығы министрінің 2012.04.07. № 15-05/350 бұйрығымен тақырыбы жаңа редакцияда (бұр.ред.қара)

«Қазақстан Республикасының мемлекеттік басқару жүйесін одан әрі жетілдіру жөніндегі шаралар туралы» Қазақстан Республикасы Президентінің 2011 жылғы 10 тамыздағы № 136 Жарлығын іске асырудың кейбір мәселелері туралы» Қазақстан Республикасы Үкіметінің 2011 жылғы 23 қыркүйектегі № 1090 қаулысын орындау үшін, БҰЙЫРАМЫН:

1. Қоса беріліп отырған Қазақстан Республикасы Ауыл шаруашылығы министрлігі Агроөнеркәсіптік кешендегі мемлекеттік инспекция комитеті туралы ереже бекітілсін.

2. Осы бұйрық қол қойылған күннен бастап енгізіледі.

Қазақстан Республикасы

Ауыл шаруашылығы

министрінің

2011 жылғы 29 қарашадағы

№ 18-04/686 бұйрығымен бекітілген

«Қазақстан Республикасы Ауыл шаруашылғы министрлігінің
Агроөнеркәсіптік кешендегі мемлекеттік инспекция комитеті»
мемлекеттік мекемесі туралы
ереже


1. Жалпы ережелер

1. «Қазақстан Республикасы Ауыл шаруашылығы министрлігінің Агроөнеркәсіптік кешендегі мемлекеттік инспекция комитеті» мемлекеттік мекемесі (бұдан әрі - Комитет) оған Конституциямен, заңдармен, Қазақстан Республикасының өзге де нормативтік құқықтық актілермен және осы Ережемен жүктелген агроөнеркәсіптік кешендегі асыл тұқымды мал шаруашылығы, тұқым шаруашылығы, астық нарығын реттеу, мақтаның қауіпсіздігі мен сапасы, өсімдіктерді қорғау және өсімдіктер карантині, мемлекеттік техникалық инспекция (бұдан әрі - реттелетін сала) салаларындағы іске асыру және бақылау-қадағалау функцияларын жүзеге асыратын Қазақстан Республикасы Ауыл шаруашылығы министрлігінің (бұдан әрі - Министрлік) ведомствосы болып табылады.