(БҰРЫНҒЫ РЕДАКЦИЯ) «МЕМЛЕКЕТТІК ӘКІМШІЛІК ЛАУАЗЫМҒА ОРНАЛАСУДЫҢ КЕЙБІР ...

Мемлекеттік әкімшілік лауазымға орналасудың кейбір мәселелері туралы

Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2017 жылғы 21 ақпандағы № 40 бұйрығы

(2023.01.03. берілген өзгерістер мен толықтырулармен)

Осы редакция 2023 ж. 31 желтоқсанға дейін қолданылған редакция 

ҚР Мемлекеттік қызмет істері агенттігі Төрағасының 2020.19.05. № 81 бұйрығымен (бұр.ред.қара); 2021.30.12. № 258 бұйрығымен (бұр.ред.қара); 2023.11.02. № 37 бұйрығымен (2023 ж. 20 ақпаннан бастап қолданысқа енгізілді) (бұр.ред.қара); 2023.27.02. № 49 бұйрығымен (2023 ж. 1 наурыздан бастап 2023 ж.  31 желтоқсанға дейін қолданылады) (бұр.ред.қара) кіріспе жаңа редакцияда

«Мемлекеттік көрсетілетін қызметтер туралы» Қазақстан Республикасы Заңының 10-бабы 1) тармақшасына, «Қазақстан Республикасының мемлекеттік қызметі туралы» Қазақстан Республикасы Заңының 5-бабы 2-тармағының 5), 11) тармақшаларына, 27-бабының 2-тармағына, 28-бабының 3, 4-тармақтарына, сондай-ақ «Мемлекеттік аппараттың қызметін бюрократиядан арылту жөніндегі шаралар туралы» Қазақстан Республикасы Президентінің 2022 жылғы 13 сәуірдегі № 872 Жарлығына сәйкес БҰЙЫРАМЫН:

ҚР Мемлекеттік қызмет істері агенттігі Төрағасының 2023.27.02. № 49 бұйрығымен 1-тармақ өзгертілді (2023 ж. 1 наурыздан бастап 2023 ж. 31 желтоқсанға дейін қолданылады) (бұр.ред.қара)

1. Қоса берілген:

1) осы бұйрықтың 1-қосымшасына сәйкес «Б» корпусының мемлекеттік әкімшілік лауазымына орналасуға арналған конкурсты өткізу қағидалары;

2) осы бұйрықтың 2-қосымшасына сәйкес Мемлекеттік әкімшілік қызметшілерді, мемлекеттік әкімшілік лауазымдарға орналасуға кандидаттарды тесттен өткізуді ұйымдастыру, бағдарламалары және қағидалары;