«Мәдениет, дене шынықтыру және спорт салаларындағы кейбір бұйрықтарға өзгерістер енгізу туралы» Қазақстан Республикасы Мәдениет және спорт министрінің м.а. 2022 жылғы 1 желтоқсандағы № 346 бұйрығы

Мәдениет, дене шынықтыру және спорт салаларындағы кейбір бұйрықтарға өзгерістер енгізу туралы
Қазақстан Республикасы Мәдениет және спорт министрінің м.а. 2022 жылғы 1 желтоқсандағы № 346 бұйрығы

БҰЙЫРАМЫН:

1. Қоса беріліп отырған мәдениет, дене шынықтыру және спорт салаларындағы өзгерістер енгізілетін кейбір бұйрықтарының тізбесі қосымшаға сәйкес осы бұйрықпен бекітілсін.

2. Қазақстан Республикасы Мәдениет және спорт министрлігінің Заң қызметі департаментіне заңнамада белгіленген тәртіппен:

1) осы бұйрықтың Қазақстан Республикасы Әділет министрлігінде мемлекеттік тіркелуін;

2) осы бұйрықты Қазақстан Республикасы Мәдениет және спорт министрлігінің интернет-ресурсында орналастыру.

3. Осы бұйрықтың орындалуын бақылау Қазақстан Республикасы Мәдениет және спорт министрлігінің аппарат басшысына жүктелсін.

4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

«КЕЛІСІЛГЕН»

Қазақстан Республикасы

Еңбек және халықты әлеуметтік

қорғау министрлігі

«КЕЛІСІЛГЕН»

Қазақстан Республикасы

Оқу-ағарту министрлігі

«КЕЛІСІЛГЕН»

Қазақстан Республикасы

Цифрлық даму,

инновациялар және аэроғарыш

өнеркәсібі министрлігі

Қазақстан Республикасы

Мәдениет және спорт министрінің м.а.

2022 жылғы 1 желтоқсандағы

№ 346 бұйрығымен бекітілген

Мәдениет, дене шынықтыру және спорт салаларындағы

 өзгерістер енгізілетін кейбір бұйрықтардың

тізбесі

1. «Мүгедектерге немесе егде жастағы адамдарға сырттай немесе стационардан тыс қызмет көрсету нысандары арқылы кітапхана қорларына қол жеткізу қағидасын бекіту туралы» Қазақстан Республикасының Мәдениет және Ақпарат министрінің міндетін атқарушы 2007 жылғы 25 мамырдағы № 153 бұйрығында (Нормативтік құқықтық актілерді мемлекеттік тіркеу тізілімінде № 4749 болып тіркелген):

тақырыбы мынадай редакцияда жазылсын:

«Мүгедектігі бар адамдарға немесе егде жастағы адамдарға сырттай немесе стационардан тыс қызмет көрсету нысандары арқылы кітапхана қорларына қол жеткізу қағидасын бекіту туралы»;