(БҰРЫНҒЫ РЕДАКЦИЯ) «АРНАЙЫ ЭКОНОМИКАЛЫҚ АЙМАҚТАРДЫҢ КЕЙБІР МӘСЕЛЕЛЕРІ Т...

 Арнайы экономикалық аймақтардың кейбір мәселелері туралы
Қазақстан Республикасы Үкіметінің 2017 жылғы 6 қазандағы № 624 Қаулысы

(2021.14.08. берілген өзгерістер мен толықтырулармен)

Осы редакция 2023 жылғы 10 ақпанда енгізілген өзгерістеріне дейін қолданылды

ҚР Үкіметінің 2019.22.05. № 307 Қаулысымен кіріспе жаңа редакцияда (бұр.ред.қара)

«Арнайы экономикалық және индустриялық аймақтар туралы» 2019 жылғы 3 сәуірдегі Қазақстан Республикасының Заңы 10-бабының 2) тармақшасына сәйкес Қазақстан Республикасының Үкіметі ҚАУЛЫ ЕТЕДІ:

1. 2041 жылға дейінгі кезеңге «Қорғас» шекара маңы ынтымақтастығы халықаралық орталығы» арнайы экономикалық аймағы (бұдан әрі - АЭА) құрылсын.

ҚР Үкіметінің 2021.14.08. № 558 Қаулысымен 2-тармақ жаңа редакцияда (бұр.ред.қара)

2. Қоса беріліп отырған:

1) «Ақтау теңіз порты» АЭА туралы ереже және оның нысаналы индикаторлары;

2) «Оңтүстік» АЭА туралы ереже және оның нысаналы индикаторлары;

3) «Павлодар» АЭА туралы ереже және оның нысаналы индикаторлары;

4) «Қорғас» шекара маңы ынтымақтастығының халықаралық орталығы» АЭА туралы ереже және оның нысаналы индикаторлары бекітілсін.

3. ҚР Үкіметінің 2018.04.12. № 802 Қаулысымен күші жойылды (бұр.ред.қара)

4. Осы қаулы қол қойылған күнінен бастап қолданысқа енгізіледі.

Қазақстан Республикасы

Үкіметінің

2017 жылғы 6 қазандағы

№ 624 қаулысымен

бекітілген

«Ақтау теңiз порты» арнайы экономикалық аймағы туралы
ЕРЕЖЕ

1. Жалпы ережелер

ҚР Үкіметінің 2020.22.01. № 9 Қаулысымен (бұр.ред.қара); 2021.14.08. № 558 Қаулысымен (бұр.ред.қара) 1-тармақ өзгертілді

1. Қоса беріліп отырған жоспарға сәйкес «Ақтау теңiз порты» арнайы экономикалық аймағы (бұдан әрi - АЭА) теңiз сауда портының аумағында, сондай-ақ Маңғыстау облысы Ақтау қаласының және Мұнайлы ауданының әкiмшiлiк-аумақтық шекарасының шегiндегi аумақтың бөлігінде орналасқан.

АЭА порттық арнайы экономикалық аймақ болып табылады.