(БҰРЫНҒЫ РЕДАКЦИЯ) ҚР ӘДІЛЕТ МИНИСТРІНІҢ 2015.26.01 № 50 БҰЙРЫҒЫ

Сот сараптамасы объектілерін пайдалану қағидаларын бекіту туралы
Қазақстан Республикасы Әділет министрінің 2015 жылғы 26 қаңтардағы № 50 бұйрығы

Осы редакция 2015 жылғы 16 шілдеде енгізілген өзгерістеріне дейін қолданылды

«Қазақстан Республикасындағы сот-сараптама қызметі туралы» 2010 жылғы 20 қаңтардағы Қазақстан Республикасы Заңының 27-бабының 3-тармағына сәйкес, БҰЙЫРАМЫН:

1. Қоса беріліп отырған Сот сараптамасы объектілерін пайдалану қағидалары бекітілсін.

2. Қазақстан Республикасы Әділет министрлігінің Сот сараптамасы орталығы осы бұйрықтың мемлекеттік тіркелуін және заңнамада белгіленген тәртіппен ресми түрде жариялануын қамтамасыз етсін.

3. Осы бұйрықтың орындалуын бақылау Қазақстан Республикасы Әділет министрінің жетекшілік ететін орынбасарына жүктелсін.

4. Осы бұйрық алғашқы ресми жарияланғанынан кейін күнтізбелік он күн өткен соң қолданысқа енгізіледі.

Қазақстан Республикасы

Әділет министрінің

2015 жылғы 26 қаңтардағы

№ 50 бұйрығымен

бекітілген

Сот сараптамасы объектілерін пайдалану

 ережесі

1. Жалпы ережелер

1. Осы Сот сараптамасы объектілерін пайдалану ережесі (бұдан әрі - Қағида) «Қазақстан Республикасындағы сот-сараптама қызметі туралы» Қазақстан Республикасының 2010 жылғы 20 қаңтардағы Заңының (бұдан әрі - Заң) 27-бабына сәйкес әзірленді және сот сараптамасы органдары қызметкерлерінің, сот сараптама қызметін лицензия негізінде жүзеге асыратын жеке тұлғалардың және сот сараптамасын бір реттік тәртіпте жүргізетін басқа да тұлғалардың сот сараптамасы объектілерін ұсынудың, қабылдаудың, есепке алудың, сақтаудың және кері қайтарудың тәртібін белгілейді.

2. Сот сараптамасы объектілері болып, заттай дәлелдемелер, құжаттар, адамның денесі мен психикасының күйі, мәйіттер, жануарлар, үлгілер, сондай-ақ сот сараптамасының мәніне жататын, ол бойынша сот сараптамасы жүргізілетін істердің материалдарында қамтылған мәліметтер (бұдан әрі - Сот сараптамасы объектілері) жатады.

2. Сот сараптамасы объектілерін қабылдаудың тәртібі