«2021 жылы Қазақстан Республикасы халқының ұлттық санағын өткізу туралы» Қазақстан Республикасы Үкіметінің 2019 жылғы 19 маусымдағы № 419 Қаулысы (2021.26.05. берілген өзгерістер мен толықтыруларымен)

2021 жылы Қазақстан Республикасы халқының ұлттық санағын өткізу туралы
Қазақстан Республикасы Үкіметінің 2019 жылғы 19 маусымдағы № 419 Қаулысы

(2021.26.05. берілген өзгерістер мен толықтыруларымен)

ҚР Үкіметінің 2020.16.09. № 587 Қаулысымен тақырыбы жаңа редакцияда (бұр.ред.қара)

«Мемлекеттік статистика туралы» 2010 жылғы 19 наурыздағы Қазақстан Республикасының Заңы 11-бабының 3) тармақшасына сәйкес Қазақстан Республикасының Үкіметі ҚАУЛЫ ЕТЕДІ:

ҚР Үкіметінің 2020.16.09. № 587 Қаулысымен (бұр.ред.қара); 2021.26.05. № 350 Қаулысымен (бұр.ред.қара) 1-тармақ жаңа редакцияда

1. Қазақстан Республикасы халқының ұлттық санағы:

1) 2021 жылғы 1 қыркүйектен бастап 15 қазан аралығындағы кезеңде интернет желісі арқылы онлайн режимде;

2) 2021 жылғы 1 - 30 қазан аралығындағы кезеңде планшеттерді пайдалану арқылы өткізілсін.

ҚР Үкіметінің 2020.16.09. № 587 Қаулысымен 2-тармақ жаңа редакцияда (бұр.ред.қара)

2. Қоса беріліп отырған 2021 жылы Қазақстан Республикасы халқының ұлттық санағын өткізу жөніндегі іс-шаралар жоспары (бұдан әрі - Жоспар) бекітілсін.

ҚР Үкіметінің 2021.26.05. № 350 Қаулысымен 3-тармақ өзгертілді (бұр.ред.қара)

3. Орталық мемлекеттік және жергілікті атқарушы органдар:

1) Жоспарда көзделген іс-шаралардың уақтылы орындалуын қамтамасыз етсін;

2) есепті тоқсаннан кейінгі айдың 5-күнінен кешіктірмей Қазақстан Республикасы Стратегиялық жоспарлау және реформалар агенттігіне Жоспар іс-шараларының іске асырылу барысы туралы ақпарат берсін.

 ҚР Үкіметінің 2020.16.09. № 587 Қаулысымен (бұр.ред.қара); 2021.26.05. № 350 Қаулысымен (бұр.ред.қара) 4-тармақ өзгертілді

4. Қазақстан Республикасының Стратегиялық жоспарлау және реформалар агенттігі (келісу бойынша):

1) есепті жылдан кейінгі 10 қаңтардан кешіктірмей Қазақстан Республикасы Премьер-Министрінің Кеңсесіне Жоспар іс-шараларының іске асырылу барысы туралы жиынтық ақпарат берсін;