| ||||||||||||||||||||
|
|
|
Әлемдiк және республикалық маңызы бар объектiлерге жатқызылған тарих пен
ҚР Үкіметінің 2007 жылғы 6 қарашадағы №1044 қаулысымен күші жойылды
"Қазақстан Республикасындағы сәулет, қала құрылысы және құрылыс туралы" Қазақстан Республикасының Заңын iске асыру мақсатында Қазақстан Республикасының Yкіметі қаулы етеді: 1. Қоса берiлiп отырған Әлемдiк және республикалық маңызы бар объектiлерге жатқызылған тарих пен мәдениет ескерткiштерiн, мемлекеттік табиғи-қорық қорының объектiлерiн қорғау және ұстау ережесi бекітілсiн. 2. Орталық және жергілiктi атқарушы органдар өздерiнiң әлемдiк және республикалық маңызы бар объектілерге жатқызылған тарих пен мәдениет ескерткiштерiн, мемлекеттік табиғи-қорық қорының объектiлерiн қорғау және ұстау мәселелерiн реттейтiн нормативтiк құқықтық кесiмдерiн бекітілетiн Ережеге сәйкес келтiру жөнiнде шаралар қабылдасын. 3. Осы қаулы қол қойылған күнiнен бастап күшiне енедi. Қазақстан Республикасының
Үкіметінiң 2003 жылғы 8 шiлдедегi № 673 қаулысымен бекітілген Әлемдiк және республикалық маңызы бар объектілерге жатқызылған тарих пен мәдениет ескерткіштерiн, мемлекеттік табиғи-қорық қорының объектiлерiн қорғау және ұстау ережесi 1. Жалпы ережелер 1. Әлемдiк және республикалық маңызы бар объектiлерге жатқызылған тарих пен мәдениет ескерткiштерiн, мемлекеттік табиғи-қорық қорының актілерін қорғау және ұстау ережесi (бұдан әрi - Ереже) Қазақстан Республикасының "Қазақстан Республикасындағы сәулет, қала құрылысы және құрылыс қызметi туралы" , "Тарихи-мәдени мұраны қорғау және пайдалану туралы" , "Ерекше қорғалатын табиғи аумақтар туралы" Заңдарына сәйкес әзiрленген. 2. Ереже әлемдiк және республикалық маңызы бар тарих пен мәдениет ескерткiштерiн, мемлекеттік табиғи-қорық қорының объектiлерiн қорғау және ұстау тәртібін анықтайды. 3. Ереже әлемдiк және республикалық маңызы бар тарих пен мәдениет ескерткiштерiне, мемлекеттік табиғи-қорық қорының объектілеріне қолданылады. 2. Тарих пен мәдениет ескерткіштерiн қорғау және ұстау 4. Тарих пен мәдениет ескерткiштерi Қазақстан Республикасының заңнамасында көзделген тәртiппен мiндеттi қорғалуға және сақталуға жатады, оларды пайдаланудың ерекше құқықтық режимiне ие. 5. Тарих пен мәдениет ескерткiштерiн ұстау, қорғау және пайдалану саласында мемлекеттік басқаруды Қазақстан Республикасының Үкiметі, Қазақстан Республикасының тарихи-мәдени мұраны қорғау және пайдалану жөніндегі мемлекеттік орган және Қазақстан Республикасының мұрағаттарды басқару мемлекеттік органы жүзеге асырады. 6. Тарих пен мәдениет ескерткiштерi мемлекеттік меншiкте болады және жекешелендiруге жатпайды. 7. Тарих пен мәдениет ескерткiштерiн қорғауды қамтамасыз ету мақсатында күзетiлетiн аймақтар, құрылыс салуды реттеу аймақтары белгiленедi, олардың шегiнде тарих пен мәдениет ескерткіштерiнiң жай-күйіне керi ecep ететiн сәулет, қала құрылысы, құрылыс қызметiне тыйым салынады немесе шек қойылады. 8. Күзетiлетiн аймақтардың, құрылыс салуды реттеу аймақтарының шекараларын Қазақстан Республикасының тарихи-мәдени мұраны қорғау және пайдалану жөніндегі мемлекеттік уәкілеттi органының келісімi бойынша тиiстi жергiлiктi атқарушы органдар анықтайды. Ескерткiштердi қорғау аймақтары елдi мекендердiң бас жоспарларына, егжей-тегжейлi жоспарлау және құрылыс салу жобаларына енгiзiледi. 9. Әлемдiк және республикалық маңызы бар әрбiр жылжымайтын тарих пен мәдениет ескерткiшiне ескерткiш туралы негiзгi деректер және ескерткiштiң мемлекеттiң қорғауында екендiгi туралы нұсқаулар берiлген қорғау тақтасы орнатылады. 10. Тарих пен мәдениет ескерткiштерiн қорғау және ұстау ережелерi бұзылған жағдайда жергіліктi билiк органдары тарихи-мәдени мұраны қорғау және пайдалану мемлекеттік органының ұсынуы бойынша ескерткiштерге қауiп төндiретiн құрылыс және басқа да жұмыстарды тоқтата тұру, сондай-ақ тыйым салу туралы мәселенi шешедi. 11. Әлемдiк және республикалық маңызы бар тарих пен мәдениет ескерткiштерiн Қазақстан Республикасы iшкi iстер органдарының мамандандырылған күзет бөлiмшелерi күзетедi. 12. Әлемдiк және республикалық маңызы бар тарих пен мәдениет ескерткiштерiнiң қауiпсiздiгiн қамтамасыз ету мәселелерi тарихи-мәдени мұраны қорғау және пайдалану саласындағы мемлекеттік уәкiлеттi органның, Қазақстан Республикасы Ішкi iстер министрлігінiң, Қазақстан Республикасы Төтенше жағдайлар жөніндегі агенттiгiнiң, тиiстi (облыстық, аудандық, ауылдық) атқарушы билiк органының қатысуымен комиссия арқылы шешiледi. 13. Барлық тарих пен мәдениет ескерткiштерiнiң инженерлiк-техникалық нығайтылуы және қорғаудың арнайы техникалық құралдарымен жарақтандырылуы мемлекеттік нормативтер талаптарына сәйкес болуы тиiс. 14. Ескерткiштердi пайдаланушылар күзет-өрт қауiпсiздiгiн және шарттармен және мiндеттемелермен белгiленген ескерткiштердi, олармен байланысты тарихи-көркем маңызы бар аумақтарды, бақтарды, парктердi, құрылыстарды, өнер туындыларын, заттарды ұстау мен пайдалану режимiнiң сақталуын қамтамасыз етуi тиiс. 15. Ғылыми, тарихи, көркем немесе өзге де мәдени маңызы бар өнер туындылары мен заттары ескерткiштерiне байланысты сақтап ұстау режимiн қамтамасыз ету мүмкiндiгi жоқ, пайдаланушылар оларды ескерткiштердi қорғау мемлекеттік органының келісімi бойынша мұражайға немесе өзге де арнайы мемлекеттік қоймаға сақтауға бере алады. 16. Егер азаматтар оларға тиесiлі тарих және мәдениет ескерткiштерiн сақтауды қамтамасыз етпесе, онда бұл ескерткiштер Қазақстан Республикасының заңнамасына сәйкес тиiсiнше орнын толтыра отырып, сот тәртібімен алынуы мүмкiн. 17. Тарих және мәдениет ескерткiштерiн жаңғырту, сақтау және қалпына келтiру жөніндегі жұмыстарды Қазақстан Республикасының тарихи-мәдени мұраны қорғау және пайдалану жөніндегі мемлекеттік органы беретiн осындай түрдегi қызмет құқығына лицензияның және арнайы рұқсаттың негiзiнде мамандандырылған ғылыми-жаңғырту ұйымдары және азаматтар жүргiзедi. 3. Әлемдiк және республикалық маңызы бар объектiлерге жатқызылған табиғи-қорық қорының объектiлерiн қорғау және ұстау 18. Әлемдiк және республикалық маңызы бар объектiлерге жатқызылған мемлекеттік табиғи-қорық қорының объектiлерiн қорғау және ұстау саласындағы мемлекеттік басқаруды Қазақстан Республикасының Үкіметі, Қазақстан Республикасының қоршаған ортаны қорғау саласындағы мемлекеттік органы жүзеге асырады. 19. Әлемдiк және республикалық маңызы бар объектiлерге жатқызылған мемлекеттік табиғи-қорық қорының объектілерiн қорғау және ұстау Қазақстан Республикасының ерекше қорғалатын табиғи аумақтар туралы заңнамасына сәйкес жүзеге асырылады. 20. Табиғи-қорық қоры объектiлерiн қорғау мен ұстауды қамтамасыз ету мақсатында күзетiлетiн аймақтар, құрылысты реттеу аймақтары және қорғалатын табиғи ландшафт аймақтары анықталады, олардың шегiнде табиғи-қорық қоры объектілерiнiң жағдайына керi әсер ететiн сәулет, қала құрылысы, құрылыс жұмыстарына тыйым салынады немесе шек қойылады. 21. Күзетiлетiн аймақтардың, құрылысты реттеу аймақтарының және қорғалатын табиғи ландшафт аймақтарының шекараларын Қазақстан Республикасы мемлекеттік уәкiлеттi органының келісімi бойынша тиiстi жергiлiктi билiк органдары анықтайды. 22. Әлемдiк және республикалық маңызы бар объектiлерге жатқызылған мемлекеттік табиғи-қорық қорының объектiлерiн ұстау жөніндегі iс-шаралар ғылыми ұйымдардың ұсынымдары негiзiнде және қоршаған ортаны қорғау саласындағы мемлекеттік бақылауды жүзеге асыратын органдардың келісімi бойынша, қорғау режимiн ескере отырып жүргiзiледi. 23. Әлемдiк және республикалық маңызы бар объектілерге жатқызылған мемлекеттік табиғи-қорық қорының объектiлерiн ұстау жөніндегі іс-шараларды, соның iшiнде экологиялық жүйелерiне зиянды әсерлердiң алдын алу және жою жөніндегі қорғау iс-шараларын ұйымдастыру заңнамаға сәйкес жүзеге асырылады. 24. Табиғи ресурстардың, мемлекеттік табиғи-қорық қорының объектiлерi күзетiлетiн аймақтарының көлемдерiн, шекараларын, режимдерi мен оларды пайдалану тәртібін қоршаған ортаны қорғау саласындағы мемлекеттік уәкiлеттi органның келісімi бойынша тиiстi (облыстық, аудандық, ауылдық) өкiлдi және атқарушы органдар белгілейді. Күзетiлетiн аймақтардың жерлерi жергiлiктi жерлерде арнайы белгiлермен белгiленедi.
Доступ к документам и консультации
от ведущих специалистов |