Әскери және арнаулы атақтар беру, әскери қызметшілердің және өзге де мемлекеттік органдар қызметкерлерінің нысанды киім киіп жүру құқығы мәселелері Қазақстан Республикасы Президентінің 2003 жылғы 10 қыркүйектегі № 1184 Жарлығы (2017.05.05. берілген өзгерістер мен толықтырулармен)

Әскери және арнаулы атақтар беру, әскери қызметшілердің және өзге де мемлекеттік органдар қызметкерлерінің нысанды киім киіп жүру құқығы мәселелері

Қазақстан Республикасы Президентінің 2003 жылғы 10 қыркүйектегі № 1184 Жарлығы

(2017.05.05. берілген өзгерістер мен толықтырулармен)

Осы жарлыққа түсініктемені қара

Әскери және арнаулы атақтар беруді одан әрі ретке келтіру, қызметкерлері погоны бар нысанды киім (киім-кешек) киіп жүруге құқығы бар мемлекеттік органдардың санын қысқарту мақсатында ҚАУЛЫ ЕТЕМІН:

1. ҚР Президентінің 2017.05.05. № 470 Жарлығымен күші жойылды (бұр.ред.қара)

ҚР Президентінің 02.06.04 ж. № 1376 Жарлығымен 2-тармақ өзгертілді

2. Қазақстан Республикасының Үкіметі Қазақстан Республикасы Президенті Әкімшілігімен келісім бойынша:

1) 2004 жылғы 1 қаңтарға дейін Қазақстан Республикасы Парламентінің Мәжілісіне:

2004 жылғы 1 мамырдан бастап -

Қазақстан Республикасы Қарулы Күштерінің, Ұлттық қауіпсіздік комитетінің, Республикалық ұланының, Президенті Күзет қызметінің, Ішкі істер министрлігінің, Қаржы полициясы агенттігінің, Төтенше жағдайлар жөніндегі агенттігінің, прокуратура органдарының, Әділет министрлігінің Қылмыстық-атқару жүйесі комитеті бөлімшелерінің осы органдардың алдына қойылған негізгі міндеттері мен функцияларын тікелей орындайтын әскери қызметшілері мен қызметкерлерінің ғана әскери және арнаулы атақтарын, погоны бар нысанды киім киіп жүру құқығын сақтауды, сондай-ақ олардың қосалқы бөлімшелері мен қамтамасыз ету қызметтерін қоспағанда, осындай қызметкерлер лауазымдарының егжей-тегжейлі тізбесін белгілеуді;

Кедендік бақылау агенттігінің қызметкерлерінің, сот приставтарының, Көлік және коммуникациялар министрлігі, Ауыл шаруашылығы министрлігі жүйесі қызметкерлерінің жекелеген санаттарының нысанды киімді (погонсыз) киіп жүру құқығын сақтауды;

судьялардың біліктілік сыныптарын жоюды;