Туберкулезге қарсы санаторийларда санаторийлық-курорттық емдеуді жетілдіру туралы Қазақстан Республикасының Денсаулық сақтау министрлігінің 2004 жылғы 28 маусымдағы № 510 бұйрығы (күші жойылды)

Туберкулезге қарсы санаторийларда санаторийлық-курорттық емдеуді жетілдіру туралы
Қазақстан Республикасының Денсаулық сақтау министрлігінің 2004 жылғы 28 маусымдағы № 510 бұйрығы

ҚР Денсаулық сақтау министрінің 2012 жылдың 18 мамырдағы № 362 бұйрығымен күші жойылды

Туберкулезге қарсы санаторийларда емдеудің тиімділігін арттыру мақсатында Бұйырамын:

1. Қоса беріліп отырған:

1) туберкулезге қарсы санаторийлар туралы ереже;

2) туберкулезге қарсы санаторийларда медициналық көмек көрсету ережесі бекітілсін.

2. Емдеу-алдын алу ісі, аккредиттеу, ақпаратты талдау департаменті (Нерсесов А.В.) Әкімшілік департаментімен (Шабдарбаев А.Т.) бірлесе отырып, осы бұйрықты Қазақстан Республикасының Әділет министрлігіне мемлекеттік тіркеуге жіберсін.

3. Әкімшілік департаменті (Шабдарбаев А.Т.) осы бұйрықты мемлекеттік тіркегеннен кейін оның бұқаралық ақпарат құралдарында ресми жариялануын қамтамасыз етсін.

4. Осы бұйрықтың орындалуын бақылау Қазақстан Республикасының Денсаулық сақтау вице-министрі С.Ә. Диқанбаеваға жүктелсін.

5. Осы бұйрық ресми жарияланған күнінен бастап күшіне енеді.

Министрдің

міндетін атқарушы

Қазақстан Республикасы

Денсаулық сақтау министрінің

"Туберкулезге қарсы санаторийларда

санаторийлық-курорттық емдеуді

жетілдіру туралы"

2004 жылғы 28 маусымдағы

№ 510 бұйрығымен

бекітілген

Туберкулезге қарсы санаторийлар туралы

ереже

1. Республикалық, облыстық, қалалық деңгейлердегі туберкулезге қарсы санаторийлар (бұдан әрі - Санаторий) белгіленген тәртіппен ұйымдастырылады және мамандандырылған мекеме болып табылады.

2. Санаторий толық атауы таңбаланған дөңгелек мөрі мен мөртаңбасы және фирмалық бланкісі бар заңды мекеме болып табылады.