(БҰРЫНҒЫ РЕДАКЦИЯ) «МІНДЕТТІ АУДИТ ЖҮРГІЗЕТІН АУДИТОРЛЫҚ ҰЙЫМДАРҒА ҚОЙЫ...

Міндетті аудит жүргізетін аудиторлық ұйымдарға қойылатын ең аз талаптарды бекіту туралы
Қазақстан Республикасы Қаржы министрінің 2015 жылғы 30 наурыздағы № 231 бұйрығы

(2021.31.05. берілген өзгерістермен)

Осы редакция 2023 жылғы 28 тамызда енгізілген өзгерістеріне дейін қолданылды

«Аудиторлық қызмет туралы» Қазақстан Республикасының 1998 жылғы 20 қарашадағы Заңының 7-бабы 1-2) тармақшасына сәйкес БҰЙЫРАМЫН:

1. Қоса беріліп отырған міндетті аудит жүргізетін аудиторлық ұйымдарға қойылатын ең аз талаптары бекітілсін.

2. Қазақстан Республикасы Қаржы министрлiгiнiң Бухгалтерлік есеп пен аудит әдіснамасы департаменті (А.Т. Бектұрова) заңнамада белгіленген тәртіппен:

1) осы бұйрықты Қазақстан Республикасы Әдiлет министрлiгiнде мемлекеттік тіркеуді;

2) осы бұйрық Қазақстан Республикасы Әдiлет министрлiгiнде мемлекеттік тіркелгеннен кейін күнтізбелік он күн ішінде оны мерзімді баспа басылымдарында және «Әділет» ақпараттық-құқықтық жүйесінде ресми жариялауға жіберуді;

3) осы бұйрықты Қазақстан Республикасы Қаржы министрлігінің интернет-ресурсында орналастыруды қамтамасыз етсін.

3. Осы бұйрық алғашқы ресми жарияланған күнінен кейін он күнтiзбелiк күн өткен соң қолданысқа енгiзiледi.

«КЕЛІСІЛДІ»

Қазақстан Республикасы

Ұлттық банкінің төрағасы

Қ. Келімбетов

2015 жылғы 26 наурыз

ҚР Қаржы министрінің 2021.31.05. № 507 бұйрығымен талаптар жаңа редакцияда (2021 ж. 6 шілдеден бастап қолданысқа енгізілді) (бұр.ред.қара)

Қазақстан Республикасы

Қаржы министрінің

2015 жылғы 30 наурыздағы

№ 231 бұйрығымен бекітілген

Міндетті аудит жүргізетін аудиторлық ұйымдарға қойылатын ең аз

 талаптар

1. Осы міндетті аудит жүргізетін аудиторлық ұйымдарға қойылатын ең аз талаптар (бұдан әрі - Ең аз талаптар) «Аудиторлық қызмет туралы» Қазақстан Республикасының Заңының (бұдан әрі - Заң) 7-бабының 1-2) тармақшасына сәйкес әзірленді және ұйымдарға міндетті аудит жүргізуге жіберілетін аудиторлық қойылатын ұйымдарға ең аз талаптарды белгілейді.