«Интернет желісінің қазақстандық сегментінің домендік кеңістігін тіркеу, пайдалану және тарату қағидасын бекіту туралы» Қазақстан Республикасының Байланыс және ақпарат министрінің 2010 жылғы 7 қыркүйекте № 220 бұйрығы (2011.21.10. берілген өзгерістермен) (күші жойылды)

Интернет желісінің қазақстандық сегментінің домендік кеңістігін тіркеу, пайдалану және тарату қағидасын бекіту туралы
Қазақстан Республикасының Байланыс және ақпарат министрінің 2010 жылғы 7 қыркүйекте № 220 бұйрығы

(2011.21.10. берілген өзгерістермен)

ҚР Инвестициялар және даму министрінің м.а. 2016 жылғы 28 қаңтардағы № 118 бұйрығымен күші жойылды

 «Ақпараттандыру туралы» Қазақстан Республикасының 2007 жылғы 11 қаңтардағы Заңының 6-бабының 26) тармақшасына сәйкес, БҰЙЫРАМЫН:

1. Қосымша беріліп отырған Интернет желісінің қазақстандық сегментінің домендік кеңістігін тіркеу, пайдалану және тарату қағидасы бекітілсін.

2. Мыналардың күші жойылды деп танылсын:

1) «Интернет желісінің қазақстандық сегментінің домендік кеңістігін бөлу ережесін бекіту туралы» Қазақстан Республикасы Ақпараттандыру және байланыс агенттігінің төраға міндетін атқарушының 2005 жылғы 5 сәуірдегі № 88-б бұйрығы (нормативтік құқықтық кесімдерді мемлекеттік тіркеудің тізіліміне № 3652 болып тіркелген, «Заң газеті» газетінде 2005 жыл 27 қыркүйек № 113 болып жарияланған);

2) «Интернет желісінің қазақстандық сегментінің домендік кеңістігін бөлу ережесін бекіту туралы» Қазақстан Республикасы Ақпараттандыру және байланыс агенттігінің төраға міндетін атқарушының 2005 жылғы 5 сәуірдегі № 88-б бұйрығына өзгерістер мен толықтырулар енгізу туралы» Қазақстан Республикасы Ақпараттандыру және байланыс агенттігі төрағасының 2010 жылғы 1 ақпандағы № 30 бұйрығы (нормативтік құқықтық кесімдерді мемлекеттік тіркеудің тізіліміне № 6057 болып тіркелген, «Заң газеті» газетінде 2010 жыл 12 наурыз № 37 (1659) болып жарияланған).

3. Қазақстан Республикасы Байланыс және ақпарат министрлігінің Ақпараттық технологиялар саласындағы мемлекеттік саясат департаменті (Қ.Б. Елеусізова) заңнамада белгіленген тәртіппен:

1) осы бұйрықтың Қазақстан Республикасы Әділет министрлігінде мемлекеттік тіркелуін;