«Сот сарапшысы өз қызметін жүзеге асыратын арнайы жабдықталған үй-жайларға қойылатын стандарттар мен талаптарды бекіту туралы» Қазақстан Республикасы Әділет министрінің 2015 жылғы 26 қаңтардағы № 47 бұйрығы (2016.01.06. берілген өзгерістермен) (күші жойылды)

Сот сарапшысы өз қызметін жүзеге асыратын арнайы жабдықталған үй-жайларға қойылатын стандарттар мен талаптарды бекіту туралы
Қазақстан Республикасы Әділет министрінің 2015 жылғы 26 қаңтардағы № 47 бұйрығы

(2016.01.06. берілген өзгерістермен)

ҚР Әділет министрінің 2017 жылғы 28 наурыздағы № 310 бұйрығымен күші жойылды

«Қазақстан Республикасындағы сот-сараптама қызметі туралы» 2010 жылдың 20 қаңтарындағы Қазақстан Республикасы Заңының 46-бабына сәйкес, БҰЙЫРАМЫН:

1. Қоса беріліп отырған Сот сарапшысы өз қызметін жүзеге асыратын арнайы жабдықталған үй-жайларға қойылатын стандарттар мен талаптар бекітілсін.

2. Қазақстан Республикасы Әділет министрлігінің Сот сараптамасы орталығы осы бұйрықтың мемлекеттік тіркелуін және оның заңнамада белгіленген тәртіппен одан әрі ресми түрде жариялануын қамтамасыз етсін.

3. Осы бұйрықтың орындалуын бақылау Қазақстан Республикасы Әділет министрінің жетекшілік ететін орынбасарына жүктелсін.

4. Осы бұйрық алғашқы ресми жарияланғанынан кейін күнтізбелік он күн өткен соң қолданысқа енгізіледі.

Қазақстан Республикасы

Әділет министрінің

2015 жылғы 26 қаңтардағы

№ 47 бұйрығымен

бекітілген

Сот сарапшысы өз қызметін жүзеге асыратын арнайы жабдықталған үй-жайларға қойылатын

стандарттар мен талаптар

1. Осы Сот сарапшысы өз қызметін жүзеге асыратын арнайы жабдықталған үй-жайларға қойылатын стандарттар мен талаптар «Қазақстан Республикасындағы сот-сараптама қызметі туралы» Қазақстан Республикасының 2010 жылғы 20 қаңтардағы Заңының 46-бабына сәйкес әзірленді және Сот және сот-медициналық сараптамалары өндірісі жүзеге асырылатын арнайы жабдықталған үй-жайларға қойылатын стандарттар мен талаптарды белгілейді.

2. Арнайы жабдықталған үй-жайларға (одан әрі - Үй-жайлар) мыналар жатады:

- сот және сот-медициналық сараптамаларын және сот-сараптамасы саласындағы ғылыми зерттеу жұмыстарын жүргізуге арналған зертханалар, химиялық, гистологиялық, биологиялық, арнайы және криминалистикалық зерттеулер жүргізуге арналған зертханалар;