(БҰРЫНҒЫ РЕДАКЦИЯ) «БІРЫҢҒАЙ ЖИНАҚТАУШЫ ЗЕЙНЕТАҚЫ ҚОРЫНЫҢ КОМИССИЯЛЫҚ С...

Бірыңғай жинақтаушы зейнетақы қорының комиссиялық сыйақыны өндіріп алу қағидаларын бекіту туралы
Қазақстан Республикасы Ұлттық Банкі Басқармасының 2013 жылғы 26 шілдедегі № 185 Қаулысы

Осы редакция 2021 жылғы 12 ақпанда енгізілген өзгерістеріне дейін қолданылды

«Қазақстан Республикасында зейнетақымен қамсыздандыру туралы» 2013 жылғы 21 маусымдағы Қазақстан Республикасының Заңы 8-бабының 3) тармақшасына сәйкес Қазақстан Республикасы Ұлттық Банкінің Басқармасы ҚАУЛЫ ЕТЕДІ:

1. Қоса беріліп отырған Бірыңғай жинақтаушы зейнетақы қорының комиссиялық сыйақыны өндіріп алу қағидалары бекітілсін.

2. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі және 2013 жылғы 23 тамыздан бастап туындаған қатынастарға қолданылады.

Қазақстан Республикасының

Ұлттық Банкі Басқармасының

2013 жылғы 26 шілдедегі

№ 185 қаулысымен

бекітілген

Бірыңғай жинақтаушы зейнетақы қорының комиссиялық сыйақыны өндіріп алу
қағидалары

1. Осы Бірыңғай жинақтаушы зейнетақы қорының комиссиялық сыйақыны өндіріп алу қағидалары (бұдан әрі - Қағидалар) «Қазақстан Республикасында зейнетақымен қамсыздандыру туралы» 2013 жылғы 21 маусымдағы Қазақстан Республикасының Заңына (бұдан әрі - Зейнетақымен қамсыздандыру туралы заң) сәйкес әзірленді және бірыңғай жинақтаушы зейнетақы қорының (бұдан әрі - БЖЗҚ) комиссиялық сыйақыны өндіріп алу тәртібін айқындайды.

2. Осы қаулының мақсаттары үшін зейнетақы активтерінің ағымдағы құны ретінде Зейнетақымен қамсыздандыру туралы заңның 5-бабы 2-тармағының 17) тармақшасына сәйкес айқындалатын зейнетақы активтерінің ағымдағы құны түсініледі.